మల్లాపూర్, మే 20: అమ్మ ఆదర్శ పాఠశాలల కమిటీ సమావేశానికి సభ్యులకు బదులు కాంగ్రెస్ నేతలు హాజరయ్యారు. అధికార పార్టీ నాయకులు ఎన్నికల కోడ్ను ఉల్లంఘించడంపై పలువురు అ భ్యంతరం తెలిపారు. సోమవారం జగిత్యాల జిల్లా మల్లాపూర్ మండల పరిషత్ ఆఫీసులో అమ్మ-ఆదర్శ పాఠశాలల కమిటీ సమావేశం నిర్వహించారు. మహిళా సభ్యులకు బదులు కాంగ్రెస్ నాయకులు హాజరయ్యారు. సమావేశంలో ఎంపీడీవో రాజేందర్రెడ్డి, పీఆర్ ఏఈ నిరంజన్, ఏపీఎం దేవరాజ్, అధికారులు పాల్గొన్నారు. ఈ వ్యవహరంపై మల్లాపూర్ ఎంపీపీ సరోజన ఆగ్రహం వ్యక్తంచేశారు. అధికారులు సైతం నిర్లక్ష్యాన్ని ప్రదర్శించారని, ఎన్నికల కోడ్ ఉండగా కాంగ్రెస్ నాయకులకు సమావేశానికి అనుమతించడం ఏంటని? ప్రశ్నించారు. దీనిపై కలెక్టర్కు ఫిర్యాదు చేస్తానని వెల్లడించారు. ఈ విషయంపై ఎంపీడీవో రాజేందర్రెడ్డిని వివరణ కోరగా ఈ సమావేశం జరిగింది వాస్తమేనని, ఏర్పాట్లను పీఆర్ ఏఈ అధికారి చూశారని వెల్లడించారు.