సిద్దిపేట, సెప్టెంబర్ 22 : సిద్దిపేట జిల్లా కేంద్రానికి చెందిన కాంగ్రెస్ మాజీ జిల్లా ప్రధాన కార్యదర్శి బొమ్మగారి పద్మ, ఆమె కుమారుడు చంద్రశేఖర్ 55 మంది అనుచరులతో శుక్రవారం మంత్రి హరీశ్రావు సమక్షంలో బీఆర్ఎస్లో చేరారు. వీరితోపాటు కాంగ్రెస్ సీనియర్ నాయకుడు, ముదిరాజ్ సంఘం సలహాదారు, మత్స్యకారుల సంక్షేమ సంఘం జిల్లా కార్యనిర్వాహక అధ్యక్షుడు కండ్లకోయ బాలకృష్ణ, ఆయన సతీమణి మమత ఆధ్వర్యంలో సిద్దిపేట కాంగ్రెస్ పట్టణ నాయకులు మంత్రి సమక్షంలో గులాబీ కండువా కప్పుకొన్నారు. ఈ సందర్భంగా వారు మాట్లాడుతూ.. మంత్రి హరీశ్రావు చేస్తున్న అభివృద్ధిలో భాగస్వామ్యమయ్యేందుకు బీఆర్ఎస్ పార్టీలో చేరినట్టు తెలిపారు. సబ్బండ వర్గాల సంక్షేమమే ధ్యేయంగా సీఎం కేసీఆర్ నాయకత్వంలోని బీఆర్ఎస్ ప్రభుత్వం పనిచేస్తున్నదని మంత్రి హరీశ్రావు పేర్కొన్నారు.