KTR | హైదరాబాద్, జూలై 18 (నమస్తే తెలంగాణ) : రుణమాఫీ పేరిట రాష్ట్ర రైతాంగాన్ని రేవంత్ సర్కార్ మోసం చేస్తున్నదని బీఆర్ఎస్ వర్కింగ్ ప్రెసిడెంట్ కేటీఆర్ ధ్వజమెత్తారు. రైతులకు జూన్లో ఇవ్వాల్సిన రైతుబంధు నిధుల్లోంచి రూ.7000 కోట్లు దారిమళ్లించి వాటిని రుణమాఫీగా అందిస్తున్నామని చెబుతూ రేవంత్ సర్కార్ పోజులు కొడ్తున్నదని ఎక్స్వేదికగా దుయ్యబట్టారు.
రైతులకు హక్కుగా రావాల్సిన రైతుబంధు డబ్బు నుంచి కొంతమొత్తాన్ని విదిల్చి రుణమాఫీగా ఇస్తున్నట్టు చెప్పుకోవడం దారుణమని మండిపడ్డారు. 40 లక్షల పైచిలుకు రైతులు రూ. లక్ష వరకు రుణాలు తీసుకుంటే వీరిలో కేవలం 11 లక్షల మందినే ఎలా ఎంపిక చేస్తారని, 2014, 2018లో కేసీఆర్ సరార్ రుణమాఫీతో పోలిస్తే పావు వంతు రైతులే అర్హులా? అని ప్రశ్నించారు.
2014లోనే కేసీఆర్ సరార్ లక్షలోపు రుణాలను మాఫీ చేసేందుకు రూ. 16,144 కోట్లు వెచ్చించి సుమారు 35 లక్షల మంది రైతులకు లబ్ధి చేకూర్చిందని గుర్తుచేశారు. 2018లో అదే లక్షలోపు రుణమాఫీకి రూ. 19,198 కోట్లు అంచనా కాగా మొత్తం లబ్ధిదారుల సంఖ్య సుమారు 37 లక్షలు అని వివరించారు. కాంగ్రెస్ మ్యానిఫెస్టోలో హామీ ఇచ్చినట్టు రూ. 2 లక్షల వరకు పంట రుణాలన్నీ వెంటనే మాఫీ చేయాలని, అర్హులైన రైతులందరికీ రైతుబంధు విడుదల చేయాలని డిమాండ్ చేశారు.
హైదరాబాద్ను మెడికల్ ఎక్వీప్మెంట్ల తయారీ కేంద్రంగా తీర్చిదిద్దాలన్న కృతనిశ్చయంతో కేసీఆర్ సంగారెడ్డి జిల్లా సుల్తాన్ పూర్లో మెడికల్ డివైజెస్ పార్ ఏర్పాటు చేశారని, అది రాష్ర్టానికి ఎంతో సంపద సృష్టించే వనరు కానుందని కేటీఆర్ తెలిపారు. ఈ పార్లో ఏర్పాటైన సహజానంద్ మెడికల్ టెక్నాలజీస్ లిమిటేడ్ మొదటిసారిగా స్టెంట్లను ఉత్పత్తి చేసిందని, ఆ సంస్థకు సంబంధించిన స్టెంట్లు నేటి నుంచి మారెట్లో రానుండటం సంతోషంగా ఉందని పేర్కొన్నారు. తెలంగాణలో ఉత్పత్తయ్యే ప్రొడక్ట్లు దేశ, ప్రపంచ వ్యాప్తంగా ఎక్స్పోర్ట్ కానుండటం గర్వంగా ఉందని చెప్పారు.