హైదరాబాద్, జూలై 14 (నమస్తే తెలంగాణ): డీఎస్సీని వాయిదా వేయాలని నిరసన వ్యక్తం చేస్తున్న నిరుద్యోగులపై విచక్షణా రహితంగా దాడి చేయడం అప్రజాస్వామికం అని బీఆర్ఎస్వీ రాష్ట్ర ఉపాధ్యక్షుడు తుంగబాలు దుయ్యబట్టారు. ఉద్యోగాలు పెంచుమని అడిగితే సాంకేతిక కారణాలు చెప్పి కాంగ్రెస్ ప్రభుత్వం తప్పించుకోవాలని చూస్తున్నదని ప్రకటనలో ఆరోపించారు.
హామీలను నిలబెట్టుకోవడం కాంగ్రెస్ సర్కారుకు చేతగాక నిరుద్యోగులపై దాడికి పాల్పడి రాక్షస ఆనందం పొందుతున్నదని మండిపడ్డారు. అధికారంలోకి రాగానే నిరుద్యోగులకు స్వర్గం చూపుతామని ఆశలు కల్పించిన కాంగ్రెస్ ఇప్పుడు నరకం చూపిస్తున్నదని వాపోయారు. ఇందిరమ్మ రాజ్యమంటే రాష్ట్రంలో ఎమర్జెన్సీని తేవటమా? అని ప్రశ్నించారు.