కాల్వశ్రీరాంపూర్, మే 30: కరీంనగర్ జిల్లా శంకరపట్నం మండలం కన్నాపూర్కు చెందిన కారంపూడి శంకర్ (57) కరీంనగర్-2 డిపోలో కండక్టర్గా విధులు నిర్వర్తిస్తున్నాడు. బుధవారం కరీంనగర్ నుంచి (టీఎస్ 020 బీ 0611) బస్సులో కాల్వశ్రీరాంపూర్కు వెళ్లాడు. రాత్రి మండల కేంద్రంలోనే డ్రైవర్తో కలిసి నైట్హాల్ట్ చేశాడు. రాత్రి 2 గంటల సమయంలో ఛాతీలో నొప్పి వస్తున్నదని డ్రైవర్ రాకేశ్కు చెప్పాడు. అప్రమత్తమైన డ్రైవర్ శంకర్ను ప్రభుత్వ దవాఖానకు తీసుకెళ్లాడు. చికిత్స తర్వాత లేచి కొద్దిదూరం నడిచిన శంకర్ ఒక్కసారిగా కుప్పకూలిపోయి ప్రాణాలు విడిచాడు. ఎస్సై ఓంకార్యాదవ్ మృతుడి భార్య విజయ ఫిర్యాదు మేరకు కేసు దర్యాప్తు చేస్తున్నారు. శంకర్కు ఇద్దరు కూతుళ్లు ఉన్నారు. ఆర్టీసీ డీఎం మల్లయ్య, అసిస్టెంట్ డీఎం విజయమ్మ, సెక్యూరిటీ అధికారి లక్ష్మారెడ్డి కాల్వశ్రీరాంపూర్కు చేరుకొని శంకర్ మృతదేహం వద్ద నివాళులర్పించారు.