హైదరాబాద్, జూలై24 (నమస్తే తెలంగాణ): ఇటీవల కన్నుమూసిన ముగ్గురు మాజీ ఎమ్మెల్యేలకు బుధవారం అసెంబ్లీ సమావేశాల్లో సభ్యులు సంతాపం తెలిపా రు. చెన్నూరు, నాంపల్లి, నిజామాబాద్ (అర్బన్) మాజీ ఎమ్మెల్యేలు దివంగత నెమరుగొమ్ముల సుధాకర్రావు, మహమ్మద్ విరాసత్ రసూల్ఖాన్, డీ శ్రీనివా స్ మృతికి సంతాపం ప్రకటించారు. వారి సేవలను స్పీకర్ గడ్డం ప్రసాద్ కొనియాడారు. సభ్యులందరూ రెండు నిమిషాలు మౌనం పాటించి నివాళులర్పించారు.
‘బ్యాక్బెంచ్’పై ఆసక్తికర చర్చ
హైదరాబాద్, జూలై24 (నమస్తే తెలంగాణ): శాసనసభలోఆసక్తికర చర్చ జరిగింది. ఇటీవల బీఆర్ఎస్ నుంచి ఫిరాయించిన పోచారం శ్రీనివాస్రెడ్డి, దానం నాగేందర్, కడి యం శ్రీహరితోపాటు ఇతర ఎమ్మెల్యేలు శాసనసభలో వెనుక బెంచీలో, ఎంఐఎం ఎమ్మెల్యేల సరసన కూర్చున్నారు. దీనిపై సభ్యులతోపాటు, మీడియా వర్గాల్లోనూ ‘బ్యాక్ బెంచ్’ అంటూ పార్టీ ఫిరాయించిన ఎమ్మెల్యేలనే చూస్తూ సభ్యులు ఇలా చర్చించుకోవడం గమనార్హం.