కామారెడ్డి : పోలీసులపై తెలంగాణ పీసీసీ చీఫ్ రేవంత్రెడ్డి ( Revanth Reddy) చేసిన అనుచిత వ్యాఖ్యలను ఖండిస్తూ కామారెడ్డి జిల్లా బాన్సువాడకు చెందిన బీఆర్ఎస్ (BRS) నాయకులు పోలీస్ స్టేషన్ (Police Staion)లో ఫిర్యాదు చేశారు. ఉమ్మడి జిల్లా డీసీసీబీ చైర్మన్ భాస్కర్ రెడ్డి అధ్యక్షతన ఫిర్యాదును ఎస్హెచ్వో మహేందర్రెడ్డికి అందజేసి రేవంత్పై చట్టరీత్యా చర్యలు తీసుకోవాలని కోరారు.
శాంతి భద్రతల పరిరక్షణలో అనుక్షణం ఎంతో శ్రమకోర్చి విధులను నిర్వహించే పోలీసులను అసభ్య పదజాలం ఉపయోగించడం దారుణమని అన్నారు. ఆయన వ్యాఖ్యలు పోలీసులతో పాటు, వారి కుటుంబ సభ్యులు కూడా ఎంతో మానసిక క్షోభకు గురవుతున్నారని ఆందోళన వ్యక్తం చేశారు. ఈ కార్యక్రమంలో బీఆర్ఎస్ నాయకులు పాత బాలకృష్ణ, ఎజాజ్, జంగం గంగాధర్, బులెట్ రాజు తదితరులు పాల్గొన్నారు.