మేడ్చల్ : లోక్సభ ఎన్నికల ఫలితాలతో పాటు ఆయా రాష్ట్రాల అసెంబ్లీ ఫలితాలను ఎప్పటికప్పుడు అందించేందుకు సీఎంఆర్ కాలేజీ ఆఫ్ ఇంజినీరింగ్ అండ్ టెక్నాలజీ విద్యార్థులు results2024.in యాప్ను రూపొందించారు. ఈ ఇంజినీరింగ్ కాలేజీలో థర్డ్ ఇయర్ ఇంజినీరింగ్ చదువుతున్న విద్యార్థులు గ్రేడియస్ సెంటప్ ఆఫ్ ఎక్సలెన్సీ ఆధ్వర్యంలో ఈ యాప్ను డెవలప్ చేశారు. ఈ యాప్ ద్వారా దేశం, రాష్ట్రంలోని ఆయా నియోజకవర్గాలకు చెందిన ఫలితాలను ఎప్పటికప్పుడు తెలుసుకోవచ్చు. అంతేకాకుండా ఈ ఎన్నికల్లో పోటీ పడ్డ ప్రముఖ నాయకుల డేటాను కూడా ఆ యాప్లో అందుబాటులో ఉంచారు. ఏయే నాయకుల మధ్య గట్టి పోటీ ఉందో.. అలాంటి వారి డేటా కూడా పొందుపరిచారు. ఇక 2019 ఎన్నికలకు సంబంధించిన పూర్తి సమాచారాన్ని ఆ యాప్లో క్రోడీకరించారు. 2024 సార్వత్రిక ఎన్నికల ఫలితాల విశ్లేషణ సమాచారం కూడా యాప్ ద్వారా లభిస్తుంది. యాప్ను రూపొందించిన విద్యార్థులను ప్రిన్సిపాల్ వీఏ నారాయణ, డైరెక్టర్ హిమబిందు, హెచ్వోడీలు, అధ్యాపకులు అభినందించారు.
ఎన్నికల ఫలితాల కోసం ఈ లింక్ను క్లిక్ చేయండి.. www.results2024.in