సిరిసిల్ల రూరల్, జూలై 14: రాజన్న సిరిసిల్ల జిల్లాలో కల్యాణలక్ష్మి చెక్కుల పంపిణీ కోసం కాంగ్రెస్ నేతలు లబ్ధిదారుల నుంచి పైసలు వసూలు చేస్తున్నారన్న ఆరోపణలపై సీఎం రేవంత్రెడ్డి ఆరా తీసినట్టు తెలిసింది. ఈ విషయమై ‘నమస్తే తెలంగాణ’లో ఆదివారం ‘కల్యాణలక్ష్మికి పైసా వసూల్’ శీర్షికన ప్రచురితమైన వార్తకు సీఎం స్పం దించారని సమాచారం.
సీఎంవో నుంచి కాంగ్రెస్ పార్టీ జిల్లా అధ్యక్షుడు, ప్రభుత్వ విప్ ఆది శ్రీనివాస్కు ఫోన్ చేసి హైదరాబాద్కు రావాలని సూచించగా.. ఆయన పైసా వసూల్ విషయాన్ని ముఖ్యమంత్రికి వివరించినట్టు తెలిసింది. ఈ విషయంపై స్పెషల్ బ్రాంచి, ఇంటెలిజెన్స్ విభాగ అధికారులు కూడా వివరాలు సేకరించి రిపోర్ట్ చేయడం గమనార్హం. సదరు కాంగ్రెస్ నేతపై ఎలాంటి చర్యలు తీసుకుంటారో వేచి చూడాలి.