హైదరాబాద్, జూలై 19 (నమస్తే తెలంగాణ): తెలంగాణ స్కిల్స్ యూనివర్సిటీ బిల్లుపై శుక్రవారం సచివాలయంలో సీఎం రేవంత్రెడ్డి, ఉప ముఖ్యమంత్రి భట్టి విక్రమార్క సమీక్ష నిర్వహించారు. సీఎం రేవంత్ రెడ్డి మాట్లాడుతూ పరిశ్రమల అవసరాలకు అనుగుణంగా విద్యార్థులకు శిక్షణ ఇచ్చి ఉద్యోగ అవకాశాలు కల్పించాలన్న లక్ష్యంతో స్కిల్స్ యూనివర్సిటీని ప్రభుత్వం ఏర్పాటు చేస్తున్నదని చెప్పారు. పరిశ్రమల శాఖ ప్రత్యేక ప్రధాన కార్యదర్శి జయేశ్ రంజన్ పవర్ పాయింట్ ప్రజంటేషన్ ఇచ్చారు.
కొత్త యూనివర్సిటీకి ‘తెలంగాణ సిల్స్ యూనివర్సిటీ’ అని పేరు పెట్టాలని నిర్ణయం తీసుకున్నారు. ప్రైవేటు సంస్థల భాగస్వామ్యంతో (పీపీపీ మోడల్లో) సిల్స్ యూనివర్సిటీ నెలకొల్పనున్నారు. మూడు, నాలుగేండ్ల కాల వ్యవధి ఉండే డిగ్రీ కోర్సులతో పాటు ఏడాది డిప్లొమా, మూడు నుంచి నాలుగు నెలల వ్యవధి ఉండే సర్టిఫికెట్ కోర్సులు ఇందులో నిర్వహిస్తారు. పరిశ్రమల భవిష్యత్తు అవసరాలకు అనుగుణంగా కొత్త కోర్సులను ఎంపిక చేశారు. ఫార్మా, కన్స్ట్రక్షన్, బ్యాంకింగ్ ఫైనాన్స్ సర్వీసెస్, ఈ కామర్స్ అండ్ లాజిస్టిక్స్, రిటైల్, యానిమేషన్, విజువల్ ఎఫెక్ట్స్, గేమింగ్ అండ్ కామిక్స్ ఇలా 17 ప్రాధాన్య రంగాలున్నాయి. తొలి ఏడాది రెండు వేల మందితో ప్రారంభించి, ఏడాదికి 20 వేల మందికి ఈ కోర్సుల్లో అడ్మిషన్లు కల్పిస్తారు.
ఫార్మా కోర్సుల్లో ఎకువ సీట్లు ఉండాలని సీఎం రేవంత్రెడ్డి సూచించారు. ఆర్థిక శాఖ ప్రధాన కార్యదర్శి సందీప్ కుమార్ సుల్తానియా, సీఎం ముఖ్య కార్యదర్శి శేషాద్రి,సీఎం ప్రత్యేక కార్యదర్శి అజిత్ రెడ్డి పాల్గొన్నారు.
ఇంటిగ్రేటెడ్ రెసిడెన్షియల్తో సమాంతరంగా సెమీ రెసిడెన్షియల్ సూల్స్ కొనసాగించేందుకు ప్రతిపాదనలు సిద్ధం చేయాలని అధికారులకు ముఖ్యమంత్రి ఆదేశాలు జారీ చేశారు. కొడంగల్, మధిర నియోజకవర్గాల్లో పైలట్ ప్రాజెక్టుగా చేపట్టిన ఇంటిగ్రేటెడ్ రెసిడెన్షియల్ సూల్స్ డిజైన్లకు సంబంధించిన ఆరిటెక్ట్స్, విద్యాశాఖ అధికారులతో ఉపముఖ్యమంత్రి భట్టివిక్రమార, సీఎం ప్రత్యేకంగా సమావేశమయ్యారు. ప్లేసూల్ తరహాలో 3వ తరగతి వరకు అంగన్వాడీ కేంద్రాల్లోనే విద్యాబోధన చేసేలా ప్రతిపాదనలు సిద్ధం చేయాలని విద్యాశాఖ కార్యదర్శి బుర్రా వెంకటేశానికి దిశానిర్దేశం చేశారు. 4వ తరగతి నుంచి సెమీరెసిడెన్షియల్ సూల్లో చదువుకునేలా, గ్రామాల నుంచి సెమీ రెసిడెన్షియల్ సూల్స్కు వెళ్లేందుకు ప్రభుత్వమే రవాణా సదుపాయం కల్పించేలా చూడాలని ఆదేశించారు. రాష్ట్రంలో విద్యా వ్యవస్థను మెరుగుపర్చడానికి త్వరలోనే విద్యా కమిషన్ ఏర్పాటు చేయనున్నట్టు ముఖ్యమంత్రి రేవంత్ రెడ్డి వెల్లడించారు.