హైదరాబాద్, జూన్ 11 (నమస్తే తెలంగాణ): సీఎం రేవంత్రెడ్డి కోసం సచివాలయంలో వాస్తు మార్పులు వేగంగా జరుగుతున్నట్టు సమాచారం. తూర్పు వైపున్న ప్రధాన గేటును ఇప్పటికే మూసివేశారు. కాగా.. పశ్చిమం వైపు (వెనుక) గేటు వద్ద మరమ్మతులు ఇంకా పూర్తి కాలేదు. దీంతో సీఎం రేవంత్రెడ్డి మంగళవారం ఈశాన్యం వైపున్న గేటు నుంచి రాకపోకలు సాగించారు. ఇకపై ఈ గేటు నుంచి సీఎస్, డీజీపీ, మంత్రులు మాత్రమే రాకపోకలు సాగించాలని ఆదేశాలు జారీచేసినట్టు తెలిసింది. మిగతా ఐఏఎస్లు, ఐపీఎస్లు, ఇతర ఉన్నతాధికారులు, వీఐపీలను ఆగ్నేయంవైపున్న గేటుకు పరిమితం చేయాలని సూచించినట్టు సమాచారం. సాధారణ ప్రజలు సైతం ఇదే గేటు నుంచి రాకపోకలు సాగిస్తున్నారు. ఇక.. సచివాలయం వెనుక గేటువైపు సీఎం వచ్చే మార్గానికి సమీపంలో ఉన్న చాయ్ దుకాణాలను, ఇతర చిరువ్యాపారుల దుకాణాలను తొలగించాలని ఇప్పటికే అధికారులు ఆదేశించినట్టు తెలిసింది. దీంతో వారు ప్రత్యామ్నాయ స్థలం వెతుక్కోవాల్సి వస్తున్నది.