CM KCR | యాదాద్రి భువనగిరి జిల్లా కేంద్రంలో నూతనంగా నిర్మించిన సమీకృత కలెక్టరేట్ను ప్రారంభించారు. అనంతరం కలెక్టరేట్లో ఏర్పాటు చేసిన సమావేశంలో సీఎం మాట్లాడారు. ఈ సందర్భంగా అధికారులు చేసిన కృషిని అభినందించారు. ఇంకా ఆయన మాట్లాడుతూ.. గతంలో శాసనసభ్యుడిగా ఉన్న సమయంలో శాసనసభ కమిటీ చైర్మన్గా ఉన్నా. టూర్ పోవాలంటూ రెండు మూడు రాష్ట్రాలు తిరిగి ముంబైకి వెళ్లాం. అక్కడ బస్సులో ఒక లేడీ గైడ్గా వచ్చింది. ఆమెను ఏం చేస్తవ్ అని అడిగితే సార్.. నా భర్త చనిపోయిండు. ఇద్దరు పిల్లలు ఉన్నరు.. ఈ గైడ్గా పని చేసుకుంటూ సంతోషంగా ఉన్నా అని చెప్పింది. మరి ఎక్కడుంటవ్ ముంబైలో అని అడిగితే బాంద్రాలో ఉంటా అని చెప్పింది. ఫ్లాట్ ధర ఎంత ఉంటుంది అని అడిగితే రూ.3కోట్లు ఉంటదని అని చెప్పింది. 1986-87 ప్రాంతంలో చెప్పింది. ఆ సమయంలో బంజారాహిల్స్, జూబ్లీహిల్స్ ప్రాంతంలో రూ.30లక్షలకే బ్రహ్మాండమైన ఇళ్లు దొరికేది.
ఆమెకు నీ ఫ్లాట్ అమ్ముకొని హైదరాబాద్కు రావాలని చెప్పానని, ఇందుకు ఆమె రానని చెప్పింది. ఎందుకు రావు అని అడిగితే సార్.. మీదగ్గర మంచినీళ్లు సరిగా దొరకయ్.. మీ దగ్గర కరెంటు ఎప్పుడు వస్తదో.. ఎప్పుడు పోతదో తెల్విది.. అలాంటి దగ్గరికి ఎవరస్తరు అని అన్నది. బయట మన గురించి సానుకూల దృక్పథం, సానుకూల వాతావరణం ప్రబలి ఉంటే అందరు వస్తరు.. ఈ రోజు హైదరాబాద్లో చీఫ్ సెక్రెటరీ నాయకత్వంలో ప్రభుత్వ అధికారులు, మంత్రవర్గంతో పాటు అద్భుతంగా కృషి చేశారు. మీ అధికారులందరికీ శిరస్సు వంచి నమస్కారం చేస్తున్నా. అద్భుతమైన కృషి, అద్భుతమైన టార్గెట్స్ ఎవరూ కలలో ఊహించలే.
సాధించిన ప్రగతి చెబితే వేరే రాష్ట్రాల వాళ్లు వచ్చిన సందర్భంలో చెబితే చెక్కరచ్చి పడిపోయే పరిస్థితి ఉన్నది. వ్యవసాయ రంగం అద్భుతం కావాలి, స్థిరీకరణ జరగాలి, సాగుకు నీళ్లు రావాలి, భూగర్భ జలాలు పెరగాలి. వంటిగనే నోట్లెకేలి చెబితే తమాషా అనుపిస్తుంది. భూగర్భ జలాలు తెలంగాణలో అట్టిగనే పెరిగినయా?.. 800, 900 ఫీట్ల దాకా బోర్లు వేసిన బోనగిరి, ఆలేరు, తుర్కపల్లిలో, రాజాపేటలో ఇవాళ 20, 10 ఫీట్లకే నీళ్లు యాడికేలి వచ్చినయ్. దాని వెనుక ఎంత అంకితభావంగా.. ఎన్నో డిపార్లుమెంట్ల కృషి ఉన్నది. మొత్తం వ్యవసాయ భూములను 2601 క్లస్టర్లుగా విభజించి, ప్రతి క్లస్టర్కు అధికారిని పెట్టి.. ఒక రైతు వేదిక కట్టి.. మొత్తం మిషన్ కాకతీయలో చెరువులన్నింటిని అభివృద్ధి చేశాం.
వాగుల్లో చెక్ డ్యామ్లు కట్టి అద్భుతంగా చేశాం. వాటర్ షెడ్డింగ్ అంటే నీళ్లను పరుగెత్తకుండా.. నడిపించాలే అది వాటర్ షెడ్. అది కాకతీయులరాజుల పుణ్యమాని తెలంగాణకు 11వ శతాబ్దంలో నేర్పారు. ఆ తర్వాత ఆంధ్రప్రదేశ్లో నష్టపోయాం. ఇప్పుడు కాళేశ్వరం నుంచో, దేవాదుల నుంచే ఇంకో చోటు నుంచి నీళ్లు తెచ్చి ప్రాజెక్టులు, చెరువులు నింపుకుంటున్నం. మళ్లీ అక్కడ వర్షపాతం పడితే నీళ్లు ఒర్రొలు, వాగులు, నదుల నుంచి సముద్రంలోకి వెళ్లకుండా ప్రతి వాగులపై చెక్డ్యామ్లు కట్టుకున్నం. ఆలేరు వాగు వద్ద, జనగామ యశ్వంతాపూర్ వద్ద చెక్డ్యామ్లు బ్రహ్మాండంగా కనిపిస్తున్నయ్. ఈ విధంగా అర్థంచేసుకొని ప్లాన్ చేస్తే 24 గంటల కరెంటు ఉంటంది. మిషన్ కాకతీయలో చెరువులు నిండుతున్నయ్. 1985లో ఎమ్మెల్యేగా గెలిచిన. సమైక్య రాష్ట్రంలో 20 ఏళ్లు ఎమ్మెల్యేగా ఉన్న.
ఉద్యమం చేసిన సమయంలో ఎంపీ పదవిలో ఉన్నా. కాలం కానే కాదు తెలంగాణలో.. ఖర్మం బాగుండి కాలం అయిందనుకో ఒక్కొక్క సంవత్సరం చెరువులు నిండి మత్తడులు దుంకితే పదివేల, 20వేల చెరువులు పటాకులు తెగినట్లే తెగు. స్టోరీజి కెపాజిటీ లేకపోవడంతో చెరువులు తెగిపోతయ్. మీకు జ్ఞాపకం ఉంటది.. నల్లగొండ జిల్లాలో చెరువు కట్ట తెగితే రైలు కొట్టకుపోతదా?.. నేను రోజు ఉద్యమంలో ఉన్నాం. మిషన్ కాకతీయ ఉంటే వర్డ్ అంటే గమ్మతిగా కనబడతది.. దానివెనుకున్న లోతు, అధ్యయనం ఇది. సమైక్య రాష్ట్రంలో నాశనమైన చెరువులను ఓ మిషన్ కిందపెట్టి.. కాకతీయ రెడ్డిరాజులే పుణ్యంకట్టుకొని మనకు అన్నం పెట్టిన్రు కాబట్టి.. వాళ్ల పేరు పెడితేనే బర్కతి ఉంటదని మిషన్ కాకతీయ పేరు పెట్టామన్నారు.