CM KCR | తెలంగాణ అసెంబ్లీ ఎన్నికల్లో మునుగోడు చైతన్యాన్ని చూపించాలని సీఎం కేసీఆర్ పిలుపునిచ్చారు. మునుగోడు ప్రజా ఆశ్వీరాద సభలో పాల్గొన్న సీఎం కేసీఆర్ ఈ సందర్భంగా కీలక వ్యాఖ్యలు చేశారు. ‘పైసలు వస్తయ్ పోతయ్.. పెద్ద సమస్య కాదు. ప్రజలకు డెవలప్మెంట్, సాగునీరు, తాగునీరు రావాలి. 24గంటల కరెంటు రావాలి. మీ అందరికీ తెలుసు.. యావత్ భారతదేశంలో 24గంటలు రైతులకు కరెంటు ఇచ్చే ఒక్కటే ఒక్క రాష్ట్రం తెలంగాణ. ప్రధానిమంత్రి రాష్ట్రంలో సాధ్యం కావడం లేదు. ఒక తెలంగాణలోనే సాధ్యమైతుంది. కర్నాటకలో నిన్నగాక మొన్న కాంగ్రెస్ వాగ్ధానం చేసిందో.. ఏవిధంగా కుప్పకూలి ఈ రోజు ఐదుగంటలు కూడా కరెంటివ్వకపోతే రైతులందరూ ధర్నాలు చేస్తున్నారు. కాబట్టి ఓటు భవిష్యత్ను నిర్ణయిస్తుంది కాబట్టి.. ఓటు తలరాతను మారుస్తుంది కాబట్టి.. ఎవరికి వేయాలో వారికి వేస్తేనే లాభం జరుగుతుంది. రాష్ట్రాన్ని ఎలా ముందుకు తీసుకుపోతున్నామో మీకు తెలుసు’ అని చెప్పారు.
‘ఎన్నికల కోసం ఆదరాబాదరాగా అబద్ధాలు చెప్పడం లేదు. బీఆర్ఎస్ పార్టీ తెలంగాణ తెచ్చిన
తెల్లారి నుంచి ఎలాంటి కార్యక్రమాలు తీసుకుంటుందో మీకు తెలుసు. రూ.70 ఇచ్చే పెన్షన్ను రూ.1000
తీసుకువెళ్లింది భారతదేశంలో కేసీఆరేనని మనవి చేస్తున్నా. ఆ తర్వాత రాష్ట్ర పరిస్థితిని బట్టి రూ.2వేలకు
పెంచుకున్నాం. మొన్ననే రూ.5వేల చేస్తానని మేనిఫెస్టోలో ప్రకటించాం. రూ.3వేలతో ప్రారంభించుకొని
రూ.5వేల వరకు తీసుకుపోతాం. యావత్ 93లక్షల రేషన్ దుకాణాలు ఉన్న కుటుంబాలకు అందరికీ బీమా
సౌకర్యం కల్పిస్తాం.
అదేవిధంగా అనేక కార్యక్రమాలు ప్రకటించుకున్నాం. 3కోట్ల టన్నుల ధాన్యం పండిస్తున్నాం కాబట్టి రేషన్కార్డులందరికీ సన్నబియ్యం సప్లయ్ చేయాలని మేనిఫెస్టోలో ప్రకటించుకున్నాం. వీటన్నింటిపై బేరీజువేసుకొని ఆలోచన చేయాలి. చెప్పిన మాట, ఇచ్చిన మాటపై నిలబడేది ఎవరు? మాట తప్పిపోయేదెవరో ఆలోచించాలని కోరుతున్నా. మునుగోడు రాజకీయ చైతన్యం ఉన్న ప్రాంతం. కమ్యూనిస్టు జెండాలు ఎగిరిన ప్రాంతం. కమ్యూనిస్టు ఎమ్మెల్యేలు ఉన్న ప్రాంతం. ఈ చైతన్యాన్ని చూపాలి. ఆ చైతన్యం మూగబోవద్దు’ అని పిలుపునిచ్చారు.
‘ఒక ఫ్లోరైడ్ బాధ ఉంటే నేను ‘ఏ మాయనే నల్లగొండ.. ఏడుపే నీ గుండెనిండా’ అని పాట రాసిన. నల్లగొండ చైతన్యం, మునుగోడు చైతన్యం.. పైసలు పట్టుకొని వచ్చే బేహార్లు.. పూటకో మాటమార్చే బేహార్లు ఏం చేసినా చేస్తారు.. ఏం ముంచినా ముంచుతరు. వాళ్లకో నియమం.. సిద్ధాంతం లేదు. నిబద్ధత లేదు. నిన్న ఒక పార్టీ.. ఇవాళొక పార్టీ.. రేపొక పార్టీ. కేవలం డబ్బు మదం, అహంకారంతో మేం అయినా చేయగలుగుతాం.. ప్రజలను కొనగలుగుతాం అంటున్నారు. నేను మిమ్మల్ని కోరేది ఒకటే.. నల్లగొండ చైతన్యం.. కమ్యూనిస్టు ఉద్యమాల చైతన్యం ఖచ్చితంగా చూపించాలి. ఇలాంటి వారికి బుద్ధి చెబితేనే రాజకీయ ప్రక్షాళన జరుగుతుంది. మీకు లాభం జరుగుతుంది. పాలమూరు ఎత్తిపోత పథకం పూర్తయితేనే మనం డిండిం, శివన్నగూడానికి నీళ్లు వస్తయ్. మొన్న మొన్ననే క్లియరెన్స్లు వస్తున్నయ్. కోర్టు కేసులు పోతున్నయ్. మనం పాలమూరు ఎత్తిపోతల పథకం పూర్తికావొచ్చింది. మొన్ననే ఒక పంపును ప్రారంభించాను’ అని చెప్పారు.
‘డిండి కాలువ, నది ద్వారా శివన్నగూడెం వరకు నీళ్లను తీసుకువచ్చే బాధ్యత నాది. ఇది కరువు ప్రాంతం కాబట్టి.. మిగతా పనులన్నీ పూర్తి చేసే బాధ్యత నేను తీసుకుంటున్నా. వందకు వందశాతం చేయించి.. మీకు ఏడాదిన్నరలోపే 2లక్షల ఎకరాలకు మునుగోడు నియోజకవర్గంలో నీళ్లను తీసుకువచ్చే బాధ్యత నాది. ఈ రోజు కాంగ్రెస్ కర్నాటకలో కరెంటు ఎలాగైందో.. మళ్లీ కిందిమీద జేసుకుంటే మళ్లీ అదే దుస్థితి వస్తుంది. మళ్లీ ఆ దుస్థితిని రైతులు తీసుకోవద్దని మనవి చేస్తున్నా. ప్రభాకర్రెడ్డి ఉద్యమంలో మొదటి నుంచి ఉన్న వ్యక్తి. నిబద్ధత ఉన్న వ్యక్తి. ఆడంబరాలకు వెళ్లే వ్యక్తి కాదు.
నేను ఆలస్యంగా వచ్చి నేను మిమ్మల్ని బాధపెట్టడం జరిగింది. భారీ సంఖ్యలో జనం సభకు తరలివచ్చారు. ఉప ఎన్నికల్లో ఎలాగైతే చైతన్యం చూపించారో.. ఏ ధన ప్రవాహానికి అడ్డంగా నిలబడి గెలిపించారో.. అదేవిధంగా ఈ ఎన్నికల్లో మునుగోడులో ప్రజలు ప్రభాకర్రెడ్డినే గెలిపించాలని కోరుతున్నా. నాకు అవకాశం ఉంటే మళ్లీ ప్రత్యేకంగా మునుగోడుకు చివరి దశలో వచ్చే ప్రయత్నం చేస్తాను. మిమ్మల్ని అందరినీ దర్శనం చేసుకునేందుకు ప్రయత్నిస్తాం. కారు గుర్తుకు ఓటేసి ప్రభాకర్రెడ్డి విజయానికి మీ అందరూ దోహదపడాలని.. నల్లగొండ చైతన్యం ఈ ధన బేహార్ల నుంచి కాపాడాలని.. ముందుకెళ్లాలని కోరుతున్నాను’ అని సీఎం కేసీఆర్ అన్నారు.