హైదరాబాద్, జూలై 21 (నమస్తే తెలంగాణ): మేడిగడ్డ బరాజ్ మరమ్మతులు, పరీక్షలు, కమిషన్ విచారణ తదితర అంశాలపై ముఖ్యమంత్రి రేవంత్రెడ్డి సమీక్షించారు. ఢిల్లీలోని తన అధికారిక నివాసంలో నీటి పారుదల శాఖ మంత్రి ఉత్తమ్ కుమార్రెడ్డి, నీటి పారుదల శాఖ కార్యదర్శి రాహుల్ బొజ్జ, నీటి పారుదల శాఖ సలహాదారు ఆదిత్యనాథ్దాస్తో ముఖ్యమంత్రి రేవంత్రెడ్డి ఆదివారం సమావేశమయ్యారు. నేషనల్ డ్యామ్ సేఫ్టీ అథారిటీ (ఎన్డీఎస్ఏ) అధికారులతో శనివారం నాటి భేటీలో చర్చించిన అంశాలను సీఎం దృష్టికి మంత్రి ఉత్తమ్ కుమార్రెడ్డి, అధికారులు తీసుకెళ్లారు. ఆయా అంశాలపై సీఎం తన అభిప్రాయాలను వారికి తెలియజేశారు. నేడు మరోసారి ఎన్డీఎస్ఏ అధికారులతో భేటీకానున్న నేపథ్యంలో చర్చించాల్సిన అంశాలపై అధికారులు, ఇంజినీర్లకు ముఖ్యమంత్రి పలు సూచనలు చేశారు.
తెలంగాణ ఇరిగేషన్ డెవలప్మెంట్ కార్పొరేషన్ చైర్మన్గా నియమితులైన మువ్వ విజయ్బాబు బంజరాహిల్స్లోని సంస్థ కార్యాలయంలో ఆదివారం పదవీ బాధ్యతలను స్వీకరించారు. కార్యక్రమానికి మంత్రి పొంగులేటి శ్రీనివాస్రెడ్డి, కాంగ్రెస్ సీనియర్ నేతలు హాజరై చైర్మన్ విజయ్ బాబును సత్కరించారు.