హైదరాబాద్ సిటీబ్యూరో, జూలై 22 (నమస్తే తెలంగాణ): ఎస్సీ వర్గీకరణ కోసం కేంద్ర ప్రభుత్వానికి ముఖ్యమంత్రి రేవంత్రెడ్డి లేఖ రాయాలని ఎమ్మార్పీఎస్ రాష్ట్ర అధ్యక్షుడు వంగపల్లి శ్రీనివాస్ డిమాండ్ చేశారు. సోమవారం ఎమ్మార్పీఎస్ రాష్ట్ర కార్యాలయంలో ఆయన మాట్లాడారు. ఎస్సీ వర్గీకరణ కోసం వెంటనే అఖిలపక్ష బృందాన్ని ఢిల్లీకి తీసుకెళ్లాలని డిమాండ్ చేశారు. కాంగ్రెస్ పార్టీ తమ ఎంపీలతో ఒత్తిడి తెచ్చేలా చూడాలని కోరారు. రాష్ట్రంలో ఉన్న పారిశుద్ధ్య కార్మికులకు ఉద్యోగ భద్రత కల్పించడంతో పాటు ప్రభుత్వ ఉద్యోగులతో సమానమైన వేతనం కల్పించాలని కోరారు. రాష్ట్ర యువజన అధ్యక్షుడు పొట్ట పెంజర రమేశ్మాదిగ, ఎంఎస్ఎఫ్ రాష్ట్ర అధ్యక్షుడు కొల్లూరి వెంకట్, వర్కింగ్ ప్రెసిడెంట్ వరిగడ్డి చందు, హన్మకొండ జిల్లా అధ్యక్షుడు రాజేశ్ కన్నా, విద్యార్థి నాయకులు ధర్మారపు శ్రీకాంత్, ఎల్.నాగరాజ్, బల్గర్ సందీప్, కొంద్రా కార్తీక్, కన్నూరి ఫణీంద్ర, బోడ మణి తదితరులు పాల్గొన్నారు.