Teachers | హైదరాబాద్, జూలై 5 (నమస్తే తెలంగాణ): పాఠశాల పనివేళల్లో సెల్ఫోన్ల వాడకంపై విద్యాశాఖ అధికారులు ఆంక్షలు విధించారు. సెల్ఫోన్లను వినియోగించరాదని, వాట్సాప్లో పోస్టులు పెట్టరాదని హెచ్చరించారు. ఇటీవల పాఠశాల సమయంలో అధికారులను లక్ష్యంగా చేసుకుని కొంతమంది టీచర్లు వాట్సాప్లో పోస్టులు పెడుతున్నట్టుగా గుర్తించారు.
కరీంనగర్, పెద్దపల్లి జిల్లాల్లో ఇలాంటి ఘటనలు చోటుచేసుకున్నాయి. దీంతో ఆయా జిల్లాల అధికారులు పలు ఆదేశాలు జారీచేశారు. టీచర్ల సెల్ఫోన్లను హెచ్ఎంలు, ప్రిన్సిపాళ్లు, స్పెషలాఫీసర్లు తమ కస్టడీ(స్టాఫ్ రూం)లో పెట్టుకోవాలని, బోధన సమయంలో అవసరాన్ని బట్టి ప్రిన్సిపాళ్లు, హెచ్ఎంల అనుమతితోనే టీచర్లు సెల్ఫోన్లను వినియోగించాలని సూచించారు.