హైదరాబాద్, మే 5 (నమస్తే తెలంగాణ): ఇంజినీరింగ్ ఫస్టియర్తో పాటు, బీటెక్ సెకండియర్ ల్యాంట్రీ ఎంట్రీ తరగతులను సెప్టెంబర్ 15లోగా ప్రారంభించాలని ఏఐసీటీఈ ఆదేశించింది. ఫస్టియర్ సహా ల్యాట్రల్ ఎంట్రీ అడ్మిషన్లకు సెప్టెంబర్ 15నే తుది గడువుగా విధించింది. 2024-25 విద్యాసంవత్సరం అకడమిక్ క్యాలెండర్ను ఏఐసీటీఈ విడుదల చేసింది. జూన్ 10లోగా కాలేజీలకు ఎక్స్టెన్షన్ ఆఫ్ అప్రూవల్ (ఈవోఏ)కు ఏఐసీటీఈ అనుమతులివ్వనున్నది. ఆ తర్వాత వర్సిటీలు అనుబంధ గుర్తింపును జారీచేస్తాయి. తిరస్కరణకు గురైన కాలేజీలు మాత్రం తిరిగి జూన్ 30లోపు అనుమతులు పొందాలి. కాలేజీలు సెప్టెంబర్ 11లోపు సీట్లను రద్దుచేసుకోవచ్చు. సీట్ల పెంపు కోసం ఆయా కాలేజీల్లో ఏఐసీటీఈ నిపుణుల కమిటీ ఆన్లైన్ తనిఖీలు నిర్వహించి, ఈవోఏను జారీచేయనున్నది.