KTR | హైదరాబాద్ : తెలంగాణ సిద్ధాంతకర్త, ఉద్యమ స్ఫూర్తి ప్రదాత ప్రొఫెసర్ జయశంకర్ సార్ వర్ధంతి సందర్భంగా బీఆర్ఎస్ వర్కింగ్ ప్రెసిడెంట్ కేటీఆర్ ట్విట్టర్ వేదికగా నివాళులర్పించారు. తెలంగాణ ఉద్యమంలో జయశంకర్ సార్ సేవలను గుర్తు చేసుకున్నారు. ఆరు దశాబ్దాల పాటు తెలంగాణనే స్వప్నించి, శ్వాసించి మూడు తరాల ఉద్యమకారులకు ప్రేరణగా నిలిచిన మహా మనిషి ప్రొఫెసర్ జయశంకర్ సార్ అని కేటీఆర్ కొనియాడారు. సార్ వర్ధంతి సందర్భంగా ఆయనకు అశ్రునివాళులర్పిస్తున్నట్లు కేటీఆర్ పేర్కొన్నారు. జూన్ 21, 2011న జయశంకర్ సార్ కన్నుమూశారు.