BRS Party | హైదరాబాద్ : బీఆర్ఎస్ ఎంపీ అభ్యర్థుల గెలుపే లక్ష్యంగా ఆ పార్టీ విస్తృతంగా ప్రచారం నిర్వహిస్తోంది. ఇప్పటికే అధినేత కేసీఆర్ అన్ని ఎంపీ నియోజకవర్గాల్లో రోడ్ షోలు నిర్వహించి, కార్నర్ మీటింగ్స్లో పాల్గొని కాంగ్రెస్, బీజేపీ ప్రభుత్వ వైఫల్యాలను ఎండగట్టారు.
భువనగిరి స్థానం నుంచి పోటీ చేస్తున్న క్యామ మల్లేష్ను గెలిపించాలని కోరుతూ పార్టీ వర్కింగ్ ప్రెసిడెంట్ కేటీఆర్ ఓ వీడియో విడుదల చేశారు. క్యామ మల్లేష్ గళం.. భువనగిరికి బలం అని ఆయనే పేర్కొన్నారు. క్యామ మల్లేష్ తన విద్యార్థి దశలోనే రాజకీయాల్లోకి అడుగుపెట్టారు. ఇబ్రహీంపట్నం నియోజకవర్గంలోని శేరిగూడ గ్రామ పంచాయతీ సభ్యునిగా రాజకీయ జీవితం ప్రారంభించిన క్యామ మల్లేష్.. ఇప్పుడు బీఆర్ఎస్ పార్టీ భువనగిరి ఎంపీ అభ్యర్థిగా పోటీ చేస్తున్నారు. చురుకైన కార్యకర్తగా, నిబద్ధత కలిగిన నాయకుడిగా పేరొందిన మల్లేష్.. రాజకీయంగా బీసీల అభివృద్ధికి విశేష కృషి చేశారు. క్షేత్రస్థాయి రాజకీయాల్లో ప్రత్యక్ష అనుభవం, ప్రజా సమస్యలపై పూర్తి అవగాహన కలిగిన మల్లేష్ను పార్లమెంట్కు పంపిస్తే భువనగిరి లోక్సభ ప్రజల సమస్యలపై పోరాడుతారు.. తెలంగాణ హక్కుల పరిరక్షణకు గొంతెత్తుతారు. కారు గుర్తుకు ఓటేయండి అని కేటీఆర్ పిలుపునిచ్చారు.
🔷 భువనగిరి లోక్ సభ బరిలో సీనియర్ నాయకులు, బీసీ వర్గాల్లో మంచి పట్టున్న నేత క్యామ మల్లేష్ గారు
🔹క్యామ మల్లేష్ గారు తన విద్యార్థి దశలోనే రాజకీయాల్లోకి అడుగుపెట్టారు. ఇబ్రహీంపట్నం నియోజకవర్గంలోని శేరిగూడ గ్రామ పంచాయతీ సభ్యునిగా రాజకీయ జీవితం ప్రారంభించిన క్యామ మల్లేష్.. ఇప్పుడు… pic.twitter.com/1T0JWzvZby
— KTR (@KTRBRS) May 11, 2024