హైదరాబాద్, మే 10 (నమస్తే తెలంగాణ): బెయిల్ మంజూరు చేయాలంటూ ఎమ్మెల్సీ కల్వకుంట్ల కవిత దాఖలు చేసిన పిటిషన్పై విచారణను ఢిల్లీ హైకోర్టు ఈ నెల 24కు వాయిదా వేసింది. ఈ పిటిషన్పై వాదనలు వినిపించేందుకు తమకు సమయం కావాలని ఎన్ఫోర్స్మెంట్ డైరెక్టరేట్ తరఫు న్యాయవాదులు కోరారు. ఈడీ, సీబీఐ కేసుల్లో కవిత దాఖలు చేసిన బెయిల్ పిటిషన్లను రౌస్ ఎవెన్యూ కోర్టు ఈనెల 6న డిస్మిస్ చేసిన విషయం తెల్సిందే.
ఈ నిర్ణయాన్ని సవాలు చేస్తూ కవిత ఢిల్లీ హైకోర్టులో పిటిషన్ వేశారు. ఇక ఢిల్లీ మద్యం విధానానికి సంబంధించి ఈడీ అధికారులు శుక్రవారం ఏడో చార్జిషీట్ను దాఖలు చేశారు. కవితతోపాటు చన్ప్రీత్సింగ్, దామోదర్ శర్మ, ప్రిన్స్ కుమార్, అర్వింద్సింగ్ల పాత్రపై తమ వద్ద ఆధారాలున్నాయని ఈడీ పేర్కొన్నది. దర్యాప్తు కొనసగుతున్నదని, విచారణలో భాగంగా సప్లిమెంటరీ చార్జిషీట్ దాఖలు చేస్తున్నట్టు ఈడీ వెల్లడించింది.