భద్రాద్రి కొత్తగూడెం : కొర్రీలు, నిబంధలు పెట్టకుండా రుణం తీసుకున్న రైతులందరికీ బేషరతుగా రుణమాఫీ( Loan waiver) చేయాలని డిమాండ్ చేస్తూ భద్రాద్రి కొత్తగూడెం(Bhadradri Kothagudem) జిల్లా చండ్రుగొండలోని గానుగపాడు సొసైటీ కార్యాలయం ఎదుట రైతులతో కలిసి బీఆర్ఎస్ నాయకులు(BRS leaders) సోమవారం నిరసన వ్యక్తం చేశారు. ఈ సందర్భంగా వైస్ ఎంపీపీ నరుకుళ్ల సత్యనారాయణ మాట్లాడు తూ గానుగపాడు సొసైటీలో 2,500 మంది రైతులు ఉంటే.. 500 మంది రైతులకు, గుంపెన సొసైటీలో 1,800 మంది రైతులకు రూ.లక్షలోపు రుణాలు ఉంటే.. 300 మంది రైతులకు మాత్రమే రుణమాఫీ వచ్చిందని ఆవేదన వ్యక్తం చేశారు.
సొసైటీలు, బ్యాంకుల్లో రుణం తీసుకున్న అందరూ రైతులకు బేషరతుగా రుణమాఫీ చేయాలని, లేదంటే రైతులతో కలిసి ఉద్యమాలు చేపడుతామని ఆయన హెచ్చరించారు. అనంతరం పలు డిమాండ్లతో కూడిన వినతిపత్రాన్ని సొసైటీ చైర్మన్ చెవుల చందర్రావు, సీఈవో లంక నర్సింహారావులకు అందజేశారు. కార్యక్రమంలో బీఆర్ఎస్ నాయకులు, రైతులు భూపతి రమేశ్, కన్నయ్య, తుపాకుల రాజు, పిచ్చయ్య తదితరులు పాల్గొన్నారు.