Rajeev Sagar | హైదరాబాద్ : రైతు రుణమాఫీ పేరుతో రైతుబంధు పథకానికి స్వస్తి పలికేందుకు కాంగ్రెస్ ప్రభుత్వం కుట్రలు చేస్తున్నదని రాష్ట్ర కార్పొరేషన్ మాజీ చైర్మన్ మేడే రాజీవ్సాగర్ ఆరోపించారు. కేసీఆర్ నాయకత్వంలోని బీఆర్ఎస్ పాలన రాష్ట్ర రైతాంగానికి సర్ణయుగమని శుక్రవారం విడుదల చేసిన ప్రకనటనలో తెలిపారు. కేసీఆర్ హయాంలో లక్ష కోట్లకుపైగా సంక్షేమం రైతాంగం కోసం ఖర్చు రాష్ట్రం ఖర్చుచేసిందని ఆయన వివరించారు.
రాష్ట్రంలోని 69 లక్షల మంది రైతులకు రూ. 72,972 కోట్ల రైతుబంధును, లక్షా 11 వేల రైతు కుటుంబాలకు రూ. 6,488 కోట్ల రైతుబీమా, రెండు విడతల్లో రైతు రుణమాఫీకి రూ. 29,144.61 కోట్లతో సహా ఇత రైతు సంక్షేమపథకాలకు రూ.11.401 కోట్లు ఖర్చుచేసిన ఘనత కేసీఆర్ సర్కారుకే దక్కుతుందన్నారు. అయితే రాష్ట్రంలో దాదాపు 40 లక్షల పైచిలుకు రైతులు లక్షలోపు పంట రుణా లు తీసుకుంటే అందులో 11 లక్షల మందికే మాఫీ చేయటం ఏమిటని ప్రశ్నించారు. బీఆర్ఎస్ హయంలో లక్ష లోపు రుణమాఫీకి రూ. 19 వేల కోట్లు అయితే, కాంగ్రెస్ ప్రభుత్వం రూ. 6098 కోట్ల మాత్రమే మాఫీ చేసిందన్నారు. రైతుబంధుకు డబ్బులు ఇంత వరకు రైతుల ఖాతాల్లో సర్కారు జమచేయలేదన్నారు.
మాజీ మంత్రి హరీష్రావును రాజీనామా చేయాలని అడిగే నైతిక హకు కాంగ్రెస్ పార్టీకి లేదని రాజీవ్సాగర్ స్పష్టం చేశారు. 6 గ్యారెంటీల్లోని 13 హామీలు, రైతు రుణమాఫీ చేస్తే హరీష్రావు సవాల్ విసిరితే స్వీకరించే దమ్ము సీఎం రేవంత్రెడ్డికి లేదన్నారు. 7 మాసాలు గడుస్తున్నా ఒక హామీ కూడా సంపూర్ణంగా అమలు చేయలేదనే విషయాన్ని గుర్తుపెట్టుకోవాలన్నారు. ఒక్క రైతురుణమాపీనే తీసుకుంటే రూ. 31 వేల కోట్లలో కేవలం రూ. 6 వేల కోట్లు మాత్రమేననే విషయాన్ని కాంగ్రెస్ నాయకులు గుర్తుంచుకుంటే మంచిదన్నారు. ఆగష్టు 15లోపు 6 గ్యారంటీలు అమలు చేసి మిగతా రూ. 25 వేల కోట్ల రుణ మాఫీ చేసి అప్పుడు హరీశ్రావును రాజీనామా విషయంపై మాట్లాడాలని ఆయన సవాల్ విసిరారు.