పోచారం శ్రీనివాస్ రెడ్డి లక్ష్మీపుత్రుడు కాదని లంక పుత్రుడుగా మారరని అని బీఆర్ఎస్ నేత జీవన్ రెడ్డి అన్నారు. బీఆర్ఎస్లో పోచారం అన్నీ పదవులు అనుభవించి, పార్టీని వదిలి వెళ్తున్నారని విమర్శించారు. ఎన్నికల ప్రచారంలో పోచారం, ఆయన కుటుంబసభ్యుల గురించి రేవంత్ రెడ్డి నీచంగా మాట్లాడారని గుర్తుచేశారు. పోచారం గురించి అంతలా మాట్లాడిన రేవంత్ రెడ్డి ఇప్పుడు సిగ్గులేకుండా పార్టీలో చేరుకున్నారని విమర్శించారు. కేసీఆర్ రుణం తీర్చుకోలేదని గతంలో చెప్పిన పోచారం.. ఇప్పుడు పార్టీకి ద్రోహం చేశారని మండిపడ్డారు.
పోచారం శ్రీనివాస్రెడ్డి కాంగ్రెస్లోకి రైతుల కోసం వెళ్లలేదని.. ఇసుక దందా బంద్ అయ్యిందనే వెళ్లారని జీవన్ రెడ్డి ఆరోపించారు. అధికారం లేకపోతే బతకలేరా అని మండిపడ్డారు. పార్టీలో పోచారం శ్రీనివాస్రెడ్డికి కేసీఆర్ ఎంతో గౌరవం ఇచ్చారని అన్నారు. దమ్ముంటే పోచారం రాజీనామా చేసి.. కాంగ్రెస్ నుంచి ఎమ్మెల్యేగా పోటీ చేసి గెలవాలని సవాలు విసిరారు. పార్టీ మారిన వాళ్లను రాళ్లతో కొట్టాలని గతంలో రేవంత్ రెడ్డి పిలుపునిచ్చారని.. ఆ మాటలు ఇప్పుడు ఎక్కడికి పోయాయని ప్రశ్నించారు. బాన్సువాడలో ఉప ఎన్నిక తథ్యమని అన్నారు. ఎప్పుడు ఎన్నిక జరిగినా బాన్సువాడలో బీఆర్ఎస్ విజయం సాధించడం ఖాయమని ధీమా వ్యక్తం చేశారు.