కాజీపేట, జూలై 26: కేంద్ర బడ్జెట్లో రాష్ర్టానికి తీవ్ర అన్యాయం జరిగిందని మాజీ ఎంపీ బోయినపల్లి వినోద్కుమార్ విమర్శించారు. పునర్విభజన చట్టంలో పొందుపరిచిన హక్కులను సాధించేవరకు తెలంగాణలోని కాంగ్రెస్, బీజేపీ ఎంపీలు 16 మంది పార్లమెంట్ను స్తంభింపచేయాలని సూచించారు. హనుమకొండ జిల్లా కాజీపేట చౌరస్తాలో బీఆర్ఎస్ పార్టీ ఆధ్వర్యంలో కేంద్ర, రాష్ట్ర బడ్జెట్ల్లో వివక్ష, విభజన చట్టంలోని హామీల విస్మరణపై శుక్రవారం నిరసన కార్యక్రమం చేపట్టారు.
ఈ సందర్భంగా వినోద్కుమార్ మాట్లాడుతూ.. కేంద్ర, రాష్ట్ర ప్రభుత్వాలు విభజన చట్టంలోని హామీలను విస్మరిస్తున్నాయని మండిపడ్డారు. అన్ని అర్హతలు ఉన్న కాజీపేటలో కోచ్ ఫ్యాక్టరీ ఏర్పాటు చేయకపోవడం బాధాకరమని అన్నారు. కాజీపేటలో కోచ్ ఫ్యాక్టరీ సాధించేవరకు, విభజన చట్టంలోని హామీలను అమలు చేసే వరకు ఉద్యమాన్ని కొనసాగిస్తామని హెచ్చరించారు. మిత్రపక్షాలైన టీడీపీ, జనతాదళ్ యునైటెడ్ ఎంపీల చేతుల్లో మోదీ కీలుబొమ్మగా మారి పాలన సాగిస్తున్నారని ఆరోపించారు.
బీజేపీ తెలంగాణకు రూపాయి కేటాయించలేదని మండిపడ్డా రు. బీఆర్ఎస్ హనుమకొండ జిల్లా అధ్యక్షుడు దాస్యం వినయ్భాస్కర్ మాట్లాడు తూ.. కాజీపేట కోచ్ ఫ్యాక్టరీ, బయ్యారం లో ఉక్కు కర్మాగారం, ములుగులో గిరిజ న విశ్వవిద్యాలయానికి కేంద్రం నిధులు కేటాయించకపోవడం దారుణమని అన్నా రు. రాష్ట్రంపై కాంగ్రెస్, బీజేపీ సవతి తల్లి ప్రేమ చూపుతున్నాయని విమర్శించారు. నిరసనలో కుడా మాజీ చైర్మన్ మర్రి యాదవరెడ్డి, కార్పొరేటర్లు, బీఆర్ఎస్ నాయకులు, విద్యార్థులు, ఉద్యమకారులు పాల్గొన్నారు.