హైదరాబాద్, ఏప్రిల్ 23 (నమస్తే తెలంగాణ): తమతో కాంగ్రెస్ పార్టీకి చెందిన 25 మంది ఎమ్మెల్యేలు టచ్లో ఉన్నారని బీఆర్ఎస్ అధినేత కేసీఆర్ పునరుద్ఘాటించారు. సీఎం రేవంత్రెడ్డి బీజేపీలోకి వెళ్తాడనే ప్రచారం జరుగుతున్న నేపథ్యంలో బీఆర్ఎస్తో చేతులు కలిపేందుకు 25, 26 మంది రెడీగా ఉన్నామని తమ పార్టీ నేతలతో చెప్తున్నారని పేర్కొన్నారు. మంగళవారం ఆయ న టీవీ 9కు ఇచ్చిన ఇంటర్వ్యూలో ఈ విషయాన్ని స్పష్టంచేశారు.
జవాబు: ఎస్.. ఎందుకు చెప్తాను.. చెప్పను కదా? ఒక అనిశ్చితి ఉందండి. అందరి మాట విని, ఇప్పుడు ఈ ముఖ్యమంత్రి బీజేపీలోకి పోతడు. ఏకనాథ్ షిండే అవుతడు. ఎల్లయ్య అయితడు, మల్లయ్య అయితడు అని చెప్తున్నరు. అసలు ఈ పార్టీ ఉంటదా? బీజీపీఎల్పీ లీడర్ మహేశ్వర్రెడ్డి రెండు లేదా మూ డు రోజులకోసారి వచ్చి స్టేట్మెంట్ ఇస్తరు. మూడు నెలల్లో ఈ ప్రభుత్వం పోతది, డబుల్ ఇంజిన్ సర్కారు వస్తది అని లక్ష్మణ్ స్టేట్మెంట్ ఇస్తరు. ఈ ముఖ్యమంత్రే మారుతడు అని వాళ్లు.. వీళ్లు మాట్లాడుతుంటే.. ఒక్కరోజు కూ డా సీఎం ఖండించలే. ప్రధాని మోదీ ఏదో కార్యక్రమానికి హైదరాబాద్ వస్తే, ‘ఆప్ బడే భాయ్ హై, మై చోటే భాయ్ హై’ అని మాట్లాడిండు.
అదేదో టీవీ ఇంటర్వ్యూ కోసం ఢిల్లీకి పోయి, అక్కడ యువకులు మోదీకి ఓటేస్తామంటే.. మోదీకే ఓటు వేయాలని చెప్పిండు.. అలా ఎలా చెప్తారండి? దాంతో కాం గ్రెస్ పార్టీలో కూడా చాలా అనుమానా లు కలుగుతున్నాయి. ఏం జరుగబోతున్నదనే అనిశ్చితి ఉన్నది. ఈ క్రమంలోనే కాంగ్రెస్లో ఉన్న కొందరు మీరు, మేము కలిసి గవర్నమెంట్ ఫామ్ చే ద్దాం, ఇక్కడంతా గోలగోలగా ఉన్నది అ ని మాట్లాడుడతున్నరు. తాము 25, 26 మందిమి రెడీగా ఉన్నామని మా వాళ్లతో చెప్తున్నరు. మన రెండు పార్టీలు కలిపి గవర్నమెంట్ ఫామ్ చేద్దాం.. మీరు మేము కలిసి.. అని.. చెప్తున్నరు. ఆవార్త నాకు వచ్చింది. కానీ, నేను చ ర్చించలేదు. ఫలాన వాళ్లు వస్తామంటున్నరంటే మాట్లాడుదామని చెప్పిన.