హైదరాబాద్, జూలై 22 (నమస్తే తెలంగాణ): బీఆర్ఎస్ వర్కింగ్ ప్రెసిడెంట్ కేటీఆర్ పుట్టినరోజు సందర్భంగా బుధవారం (ఈనెల 24న) రాష్ట్రవ్యాప్తంగా రక్తదాన శిబిరాలు నిర్వహిస్తున్నట్టు పార్టీ విద్యార్థి, యువజన విభాగాలు తెలిపాయి. ఈ మేర కు విద్యార్థి, యువజన విభాగాల రాష్ట్ర అధ్యక్షులు గెల్లు శ్రీనివాస్ యాదవ్, ఎమ్మెల్సీ శంభీపూర్ రాజు సోమవారం సంయుక్త ప్రకటన విడుదల చేశారు. బుధవారం ఉదయం 10 గంటలకు తెలంగాణభవన్లో నిర్వహించే మెగారక్తదాన శిబిరంలో పార్టీ కార్యకర్తలు, నాయకులు, అభిమానులు పెద్ద ఎత్తున పాల్గొనాలని కోరా రు. అలాగే జిల్లా కేంద్రాలు, పట్టణాలు, మండల కేంద్రాలు, గ్రామాల్లో నాయకులు, కార్యకర్తలు, అభిమానులు మొక లు నాటాలని, రక్తదానం చేయాలని, దవాఖానల్లో రోగులకు పండ్లు పంపిణీ చేయాలని సూచించారు. పార్టీ వర్కింగ్ ప్రెసిడెంట్గా, పదేండ్లపాటు మంత్రిగా కేటీఆర్ అందించిన సేవలను గుర్తుచేశారు. రాష్ట్రానికే కాకుండా యావత్ దేశానికే వన్నెతెచ్చిన నేతగా కేటీఆర్ ప్రత్యేక గుర్తింపును తెచ్చుకున్నారని పేర్కొన్నారు.
హైదరాబాద్, జూలై 22 (నమస్తే తెలంగాణ) : భారతదేశ ఫార్మా ఉత్పత్తుల్లో 30శాతం వాటా తెలంగాణ నుంచే ఉన్న ట్టు సాక్షాత్తూ భారత ప్రభుత్వం విడుదల చేసిన ఎకనామిక్ సర్వే చెబుతున్నదని బీఆర్ఎస్ నేత క్రిశాంక్ సోమవారం ఎక్స్ వేదికగా పోస్టు చేశారు. బీఆర్ఎస్ హయాంలో లైఫ్ సైన్సెస్కు తెలంగాణ కేరాఫ్గా ఉన్నదని, నాడు 1000 లైఫ్ సైన్సెస్ కంపెనీలు వచ్చాయని పేర్కొన్నారు. కేసీఆర్ ప్రభు త్వం ఫార్మాసిటీని ప్రారంభిస్తే దాన్ని మూసివేసేందుకు కాంగ్రెస్ సర్కార్ ప్రయత్నిస్తున్నదని చెప్పారు. తన వ్యాఖ్యలకు భారత ప్రభుత్వం విడుదల చేసిన ఎకనామిక్ సర్వే రిపోర్టును జత చేశారు.