Konda Vishweshwar Reddy | రంగారెడ్డి, ఏప్రిల్ 22(నమస్తే తెలంగాణ): చేవెళ్ల లోక్సభ బీజేపీ అభ్యర్థి కొండా విశ్వేశ్వర్రెడ్డి తన ఆస్తులు రూ. 4వేల కోట్లుగా వెల్లడించారు. నామినేషన్ దాఖలు సందర్భంగా సోమవారం అఫిడవిట్లో తన కుటుంబ ఆస్తుల వివరాలను ప్రకటించారు.
కొండా పేరిట రూ.1,178.72కోట్లు, సతీమణి సంగీతారెడ్డి పేరిట రూ.3,203.9కోట్లు, కుమారుడు విరాట్ మాధవ్ రెడ్డి పేరిట రూ.107.44కోట్లు ఉన్నట్లు అఫిడవిట్లో పేర్కొన్నారు. భూములు, భవనాల విలువ రూ.71.35కోట్లుగా తెలిపారు. రూ.1.76కోట్ల అప్పులున్నాయని వెల్లడించారు. తనకు కారు లేదని, 4 కేసులు ఉన్నాయని అఫిడవిట్లో పేర్కొన్నారు.