హైదరాబాద్, మార్చి 13 (నమస్తే తెలంగాణ) : బీఆర్ఎస్ ఎమ్మెల్సీ కల్వకుంట్ల కవిత జన్మదిన వేడుకలు బుధవారం ఘనంగా నిర్వహించారు. మంగళవారం అర్ధరాత్రి బీఆర్ఎస్, భారత జాగృతి శ్రేణులు హైదరాబాద్లోని ఆమె నివాసానికి చేరుకొని భారీ కేక్ను కట్ చేయించి, శుభాకాంక్షలు తెలిపారు. తన జన్మదినం సందర్భంగా కవిత బీఆర్ఎస్ అధినేత కేసీఆర్ను కలిసి ఆశీర్వాదం తీసుకొన్నారు. మరోవైపు, సామాజిక మాధ్యమాల ద్వారా ఎమ్మెల్సీ కవితకు శుభాకాంక్షలు వెల్లువెత్తాయి. తనకు శుభాకాంక్షలు తెలిపిన ప్రతి ఒక్కరికీ ఆమె కృతజ్ఞతలు చెప్పారు.