కేతేపల్లి, జూలై 8: హైదరాబాద్-విజయవాడ జాతీయ రహదారిపై ప్రమాదానికి గు రైన బాధితులకు తక్షణ వైద్య సాయం అందించేందుకు ట్రామాకేర్ సెంటర్ నిర్మిస్తున్నట్టు రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్రెడ్డి తెలిపారు. నల్లగొండ జిల్లా కేతేపల్లి మండలంలోని కొర్లపహాడ్ టోల్ప్లాజా వద్ద ఏడీపీ సంస్థ సహకారంతో రూ.5 కోట్లతో నిర్మించనున్న ట్రామాకేర్ సెంటర్కు సోమవారం ఆయన శంకుస్థాపన చేశారు. మంత్రి కోమటిరెడ్డి మాట్లాడుతూ.. రెండు నెలల్లో భవన నిర్మాణం పూర్తి చేయడంతోపాటు అత్యాధునిక వైద్య పరికరాలను సెంటర్లో అందుబాటులో ఉంచుతామని తెలిపారు. ప్రమాదం జరిగిన గంటలోపు వైద్యం అందించడమే ట్రామాకేర్ సెంటర్ ఏర్పాటు ప్రధాన ఉద్దేశమని చెప్పారు. కార్యక్రమంలో భువనగిరి ఎంపీ చామల కిరణకుమార్రెడ్డి, నకిరేకల్ ఎమ్మెల్యే వేముల వీరేశం, రోడ్లు, భవనాల శాఖ ప్రత్యేక కార్యదర్శి హరిచందన, కలెక్టర్ నారాయణరెడ్డి, ఏడీపీ సంస్థ ఎండీ విజయ్, ఎస్పీ రెడ్డి తదితరులు పాల్గొన్నారు.