హైదరాబాద్, ఫిబ్రవరి 26 (నమస్తే తెలంగాణ) : కనీస వేతనాల జీవోను తక్షణమే సవరించాలని భారతీయ మజ్దూర్ సంఘ్ (బీఎంఎస్) రాష్ట్ర అధ్యక్షుడు కలాల్ శ్రీనివాస్, ప్రధానకార్యదర్శి టీ రామిరెడ్డిలు ప్రభుత్వాన్ని డిమాండ్ చేశారు. రాష్ట్రంలో అసంఘటిత రంగ కార్మికులకు సంక్షేమబోర్డులు ఏర్పాటుచేయాలని, ఈఎస్ఐ, పీఎఫ్ వర్తింపజేయాలని కోరారు. ఈ మేరకు మంగళవారం అన్ని జిల్లాల కలెక్టర్లకు వినతిపత్రాలు అందజేస్తామని పేర్కొన్నారు. ఆ తర్వాత దశల వారీగా ఆందోళనలు చేపడుతామని తెలిపారు.