వరంగల్: వరంగల్లోని భద్రకాళి దేవస్థానం (Bhadrakali Temple) ఆస్థాన సిద్ధాంతి అనంత మల్లయ్య శాస్త్రి (Anantha Mallaiah) శివైక్యం చెందారు. గత కొంతకాలంగా వయో సంబంధిత సమస్యలతో బాధపడుతున్న ఆయన మంగళవారం మధ్యాహ్నం కన్నుమూశారు. ఆయన కాజీపేటలోని శ్వేతార్క మూలగణపతి ఆలయ వ్యవస్థాపకులు.
కాజీపేటలో కొలువైన శ్వేతార్క గణపతి స్వామి భక్తుల కొంగుబంగారంగా ప్రసిద్ధికెక్కాడు. కేవలం కొబ్బరి కాయ, గరికతో స్వామివారిని పూజించి ప్రదక్షిణలు చేస్తే.. కోరికలు నెరవేరుతాయని ప్రతీతి. సుదూర ప్రాంతాల నుంచి వచ్చే భక్తులు స్వామివారిని దర్శించుకుంటారు. తెల్లజిల్లేడు వృఓం వేరు.. వినాయకుడి సంపూర్ణ రూపంగా ఉద్భవించడం ఇక్కడి ప్రత్యేకత. మొదట్లో స్వామివారి నిజరూపానికే పూజలు చేసినప్పటికీ.. పద్దెనిమిదన్నర కిలోల వెండి కవచాన్ని స్వామికి ధరింపచేసి అభిషేకాలు చేస్తున్నారు.