నాగర్కర్నూల్ టౌన్, జూన్ 11: సైబర్ నేరగాళ్ల ఉచ్చులో ఓ బ్యాంకు మేనేజర్ చిక్కుకున్నాడు. నాగర్కర్నూల్లోని ఓ ప్రైవేట్ బ్యాంకులో పనిచేస్తున్న ఆయన ఫోన్కు వారం క్రితం మెసేజ్ రూపంలో ఓ లింక్ వచ్చింది.
దాన్ని ఓపెన్ చేయడంతో ఆ ఫోన్ను హ్యాక్ చేసిన సైబర్ నేరగాళ్లు.. ఆయ న వాట్సాప్ డీపీని న్యూడ్ ఫొటోగా మార్చి, బ్లాక్మెయిల్ చేశారు. దీంతో భయపడిన ఆ మేనేజర్ రూ.1.56 లక్షలు ముట్టజెప్పాడు. బాధితుడి కాంటాక్ట్స్లో ఉన్న 300 మందికి న్యూడ్ ఫొటోలను పంపి, మరింత డబ్బు డిమాండ్ చేశారు. దీంతో బాధితుడు హైదరాబాద్ సైబర్క్రైం పోలీసులను ఆశ్రయించాడు.