మిర్యాలగూడ/సిటీబ్యూరో, జూలై 7 (నమస్తే తెలంగాణ): కాంగ్రెస్ ప్రభుత్వం అమలు చేస్తున్న ఉచిత బస్సు ప్రయాణం మరో ఆటో డ్రైవర్ మరణానికి కారణమైంది. ఆరు నెలలుగా ఆటోకు గిరాకీ లేక.. ఆటో ఫైనాన్స్కు ఈఎంఐ చెల్లించలేక ఆదివారం ఓ ఆటో డ్రైవర్ రైలు కింద పడి బలవన్మరణానికి పాల్పడ్డాడు. నల్లగొండ జిల్లా మిర్యాలగూడ మండ లం వెంకటాద్రిపాలెంలోని దుర్గానగర్కు చెంది న నాగేంద్రబాబు (32) ఆటో నడుపుతూ భా ర్య, ఇద్దరు కుమారులతోపాటు వృద్ధులైన తల్లిదండ్రులను పోషిస్తున్నాడు. కాంగ్రెస్ ప్రభు త్వం అమలు చేస్తున్న మహిళలకు ఉచిత బస్సు ప్రయాణంతో ఆరు నెలలుగా ఆటోకు గిరాకీ లేక తీవ్ర ఆర్థిక ఇబ్బందులు పడుతున్నాడు. ఆటో కొనుగోలు కోసం అప్పు ఇచ్చిన ఫైనాన్స్ వారు కిస్తీలు కట్టాలని ఒత్తిడి చేశారు.
కుటుంబాన్ని నడపలేక, ఆటో కిస్తీలు చెల్లించలేక మనస్తాపంతో నాగేంద్రబా బు ఆదివారం తెల్లవారుజామున మిర్యాలగూడ రైల్వేస్టేషన్లో రైలు కింద పడి ఆత్మహత్య చేసుకున్నాడు. స్థానికులు మృతుడి కుటుంబ సభ్యులకు సమాచారం ఇవ్వగా వారు అక్కడికి చేరుకొని మృతదేహం నాగేంద్రబాబుదిగా గు ర్తించారు. ఉచిత బస్సు పథకం వల్ల వేలాది మంది ఆటో డ్రైవర్లు వీధిన పడ్డారని ఆటో మోటార్ ట్రేడ్ యూనియన్ రాష్ట్ర కార్యనిర్వాహక కార్యదర్శి మహమ్మద్ నాజర్ అలీ మీర్జా ఆరోపించారు. నాగేంద్రబాబు మృతదేహాన్ని సందర్శించిన ఆయన.. కుటుంబ సభ్యులను పరామర్శించారు. రాష్ట్ర వ్యాప్తంగా 60 మంది ఆటో డ్రైవర్లు మృతి చెందారని, మిర్యాలగూడ నియోజకవర్గంలో ఇద్దరు మృతి చెందారని చెప్పారు. మృతిచెందిన ఆటో డ్రైవర్ల కుటుంబాలకు రాష్ట్ర ప్రభుత్వం రూ.10 లక్షల ఎక్స్గ్రేషియా, ఆటో డ్రైవర్లకు నెలకు రూ.15 వేల భృతి ఇవ్వాలని డిమాండ్ చేశారు.