హైదరాబాద్ : ఫ్రీ బస్సు(Free bus) ఎఫెక్ట్తో ఆటో నడవక, ఆర్థిక ఇబ్బందులు తోడు కావడంతో రాష్ట్రంలో మరో ఆటోడ్రైవర్(Auto driver) ఉరేసుకొని ఆత్మహత్యకు(Commits suicide) పాల్పడిన సంఘటన సిద్దిపేట జిల్లా గజ్వేల్ పట్టణంలో(Gajwel) బుధవారం వెలుగుచూసింది. స్థానికులు తెలిపిన వివరాలు ఇలా ఉన్నాయి. గజ్వేల్ పట్టణంలోని మధురానగర్కు చెందిన పసుల స్వామి(33) ఏడాదిన్నర క్రితం ఆటోను కొనుక్కుని సొంతంగా నడుపుతున్నాడు.
అప్పటి వరకు ఎలాంటి సమస్యలు లేకుండా జీవనం సాగిన ఆ కుటుంబంలో కాంగ్రెస్ ప్రభుత్వం అధికారంలోకి రాగానే మహిళలకు ఉచిత బస్సు సౌకర్యాన్ని కల్పించడంతో కష్టాలు మొదలయ్యాయి.
ఆటో నడవక పోవడంతో అప్పులు ఎక్కువయ్యాయి. ఉపాధి కరువు కావడంతో పాటు అప్పులు తీర్చేమార్గం లేక బాధపడేవాడు. ఈ క్రమంలో తీవ్రంగా కలత చెందిన స్వామి మంగళవారం రాత్రి ఇంట్లో గొడవపడి బయటకు వెళ్లాడు.
బుధవారం ఉదయం మున్సిపల్ పరిధిలోని రాజిరెడ్డిపల్లి సమీపంలో చెట్టుకు ఉరేసుకుని విగత జీవిగా కనిపించాడు. స్థానికుల సమాచారం మేరకు పోలీసులు వచ్చి మృతదేహాన్ని పరిశీలించి శవ పంచనామా పూర్తిచేశారు. అనంతరం మృతదేహాన్ని పోస్టుమార్టం కోసం గజ్వేల్ దవాఖానకు తరలించారు. మృతుడి భార్య లత ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు తెలిపారు. మృతుడు స్వామికి భార్యతో పాటు ముగ్గురు సంతానం ఉన్నారు. మృతుడి కుటుంబాన్ని ఎఫ్డీసీ మాజీ చైర్మన్ వంటేరు ప్రతాప్రెడ్డి, స్థానిక కౌన్సిలర్ గంగిశెట్టి చందన రవీందర్ పరామర్శించి ఆర్థిక సాయం అందజేశారు.