హిమాయత్నగర్, మే 30 : ప్రజల ఆరోగ్య పరిరక్షణకు నిత్యం సేవలందిస్తున్న గ్రామీణ వైద్యుల పై కాంగ్రెస్ ప్రభుత్వం కక్షపూరితంగా వ్యవహరిస్తున్నదని తెలంగాణ అనుభవ వైద్యుల సంఘాల సమాఖ్య రాష్ట్ర అధ్యక్షుడు డాక్టర్ చొప్పరి శంకర్ ముదిరాజ్ అన్నా రు.
గురువారం హైదరాబాద్ నా రాయణగూడలో సమాఖ్య రాష్ట్ర కార్యవర్గ సమావేశంలో శంకర్ ముదిరాజ్ మాట్లాడుతూ… ఎన్నికల ముందు ఆర్ఎంపీ, పీఎంపీలకు శిక్షణ ఇచ్చి సర్టిఫికెట్లను జారీ చేస్తామని హామీనిచ్చిన కాంగ్రెస్.. అధికారంలోకొచ్చిన ఆరు నెలల్లోనే గ్రామీణ వైద్యులకు గుర్తిం పు, శిక్షణ ఇవ్వకుండానే దాడులు చేయడం మొదలుపెట్టిందని మండిపడ్డారు.
గ్రామీణ వైద్యులు… రోగులకు ప్రాథమికంగా చికిత్స అందించి కాపాడుతారే తప్ప వారికి హాని కల్గించారనే విషయాన్ని ప్రభుత్వం గుర్తుంచుకోవాలని పేర్కొన్నారు. గ్రామీణ వైద్యులపై తెలంగాణ రాష్ట్ర మెడికల్ కౌన్సిల్ (టీఎస్ఎంసీ) దాడులు చేయడాన్ని తీవ్రంగా ఖండిస్తున్నామని పేర్కొన్నారు.