భద్రాచలం, జూలై 8 : భద్రాద్రి కొత్తగూడెం జిల్లా భద్రాచలం పట్టణానికి చెందిన న్యాయవాది ఏవీ కృష్ణప్రసాద్ విషయంలో పోలీసులు వ్యవహరించిన తీరు అప్రజాస్వామికమని బార్ అసోసియేషన్ న్యాయవాదులు ఖండించారు. జ్యుడీషియల్ ప్రథమ శ్రేణి న్యాయమూర్తి వెంకటేశ్వర్లు, ఏఎస్పీ అంకిత్కుమార్ సంఖ్యార్కు సోమవారం వినతిపత్రం ఇచ్చారు.
బార్ అసోసియేషన్ అధ్యక్షుడు చైతన్య మాట్లాడుతూ.. 2021లో కూనవరానికి చెందిన చెక్కా దేవి కేసు విషయంలో కృష్ణప్రసాద్కు, ఆమెకు మధ్య పొరపొచ్చాలు వచ్చాయని, దీంతో జూలై 3న ఆమె స్థానిక పోలీస్స్టేషన్లో ఫిర్యాదు చేయడంతో పోలీసులు శుక్రవారం ఆయనను అరెస్ట్ చేశారని తెలిపారు. అరెస్ట్ చేయడానికి కృష్ణప్రసాద్ ఇంటికి వచ్చిన పోలీసులు అమానుషంగా ప్రవర్తించారని విమర్శించారు. దీనిపై న్యాయవాదులు న్యాయమూర్తికి విన్నవించడంతో పోలీసులపై ఎఫ్ఐఆర్కు ఆదేశించారని తెలిపారు. ప్రస్తుతం కృష్ణప్రసాద్ భద్రాచలం సబ్ జైలులోనే ఉన్నట్టు చెప్పారు.