నాంపల్లి కోర్టులు, జులై 19 (నమస్తే తెలంగాణ): టీఎస్పీఎస్సీ ప్రశ్నాపత్రాల లీకేజీ కేసులో హనుమకొండ ఎస్వీఎస్ ఇంజినీరింగ్ కాలేజీ లెక్చరర్ గుగులోత్ అనూష అలియాస్ వినూతోపాటు సిద్దిపేటకు చెందిన కమ్మసారం జ్ఞానితను సిట్ అధికారులు బుధవారం నాంపల్లిలోని 12వ అదనపు చీఫ్ మెట్రోపాలిటన్ మెజిస్ట్రేట్ కోర్టులో హాజరుపర్చారు. అనంతరం ఆగస్టు 2 వరకు రిమాండ్ విధిస్తూ మెజిస్ట్రేట్ జీ ఈశ్వరయ్య ఆదేశాలు జారీ చేయడంతో వారిద్దరిని చంచల్గూడ జైలుకు తరలించారు. కాగా, ఈ కేసులో మరో ముగ్గురు నిందితులను విచారిస్తున్న సిట్ అధికారులు.. గురువారం వారిని కోర్టులో హాజరుపర్చేందుకు సిద్ధమవుతున్నారు.