హైదరాబాద్ (నమస్తే తెలంగాణ)/న్యూయార్క్: అమెరికాలో మరో తెలుగు విద్యార్థి మరణించాడు. ఏపీకి చెందిన సాయి సూర్య అవినాశ్(25) అనే విద్యార్థి ప్రమాదవశాత్తూ ఓ జలపాతంలో పడి మృతిచెందారు. నూయార్క్లోని అల్బనీలో ఉన్న బార్బర్విల్లే జలపాతం చూసేందుకు స్నేహితులతో కలిసి వెళ్లిన అవినాశ్.. ప్రమాదవశాత్తూ అందులో జారిపడ్డాడు.
ఈ ఘటన ఈ నెల 7న జరిగిందని న్యూయార్క్లోని భారత రాయబార కార్యాలయం మంగళవారం వెల్లడించింది. అవినాశ్ మృతదేహాన్ని భారత్కు పంపేందుకు తగిన ఏర్పాట్లు చేస్తున్నామని తెలిపింది. తూర్పు గోదావరి జిల్లా గోపాలపురం మండలం చిట్యాల గ్రామానికి చెందిన అవినాశ్ ఎంఎస్ చదవడానికి యూఎస్ వెళ్లారు.