హైదరాబాద్, జూలై 16 (నమస్తే తెలంగాణ): రాష్ర్టానికి మరో రూ.2000 కోట్ల అప్పు తీసుకున్నది. ఈ మేరకు మంగళవారం ఆర్బీఐ ప్రకటన విడుదల చేసింది. దీంతో కాంగ్రెస్ ప్రభుత్వం అధికారంలోకి వచ్చిన తర్వాత మొత్తం 31 వేల కోట్లకు చేరింది.
ఈ ఆర్థిక సంవత్సరం ఏప్రిల్ నుంచి ఈ నెలాఖరు వరకు మొత్తం రూ.16 వేల కోట్ల అప్పు పొందనుంది. గత మార్చి వరకు రూ.15 వేల కోట్ల రుణం తీసుకున్న రాష్ట్ర ప్రభుత్వం ఈ నెలాఖరు నాటికి మొత్తం రూ.31 వేల కోట్లకు రాష్ట్ర అప్పు చేరనుంది. ఆరు గ్యారంటీల అమలు, పంట రుణమాఫీ నేపథ్యంలో ఆర్బీఐ నుంచి ప్రభుత్వం రుణాలు పొందుతున్నట్టు తెలిసింది.