హైదరాబాద్ : కాంగ్రెస్ ప్రజా పాలనలో రాష్ట్రంలో రైతుల ఆత్మహత్యలు కొనసాగుతూనే ఉన్నాయి. సాగు సాగక, సర్కారు భరోసా కానరాక అప్పులు తీర్చే మార్గం లేక రైతులు ఆత్మహత్యలకు పాల్పడుతున్నారు. తాజాగా ఖమ్మం జిల్లాలో మరో రైతు ఆత్మహత్యాయత్నానికి(Farmer Suicide attemp) పాల్పడ్డాడు.
గత పది రోజుల్లో ఖమ్మం జిల్లాలో( Khammam district) ఇది నాలుగో సంఘటన కావడం రైతుల దీన స్థితికి అద్దం పడుతున్నది. వివరాల్లోకి వెళ్తే.. ఖమ్మం జిల్లా రఘునాథ్పల్లి మండలం రజాబ్ అలీ నగర్కు చెందిన ప్రసాద్ (32) అనే రైతు 15 ఏండ్లుగా పోడు భూమి సాగు చేసుకుంటూ జీవిస్తున్నాడు.
ఇదే క్రమంలో తనకు సంబంధించిన ఆరున్నర ఎకరాల భూమి విషయంలో ఓ కానిస్టేబుల్తో వివాదం నెలకొంది. తాము సుమారు 15 ఏండ్లుగా పోడు భూమి సాగు చేసుకుంటున్న భూమిలో కానిస్టేబుల్ తన కూతురు పేరుమీద అక్రమంగా పట్టా తీసుకున్నాడని ఆరోపిస్తూ రైతు ప్రసాద్ ఆత్మహత్యాయత్నానికి పాల్పడ్డాడు. గమనించిన కుటుంబ సభ్యులు వెంటనే ప్రభుత్వ దవాఖానకు తరలించి చికిత్స అందిస్తున్నారు.
కాగా, తెలంగాణలో రైతుల ఆత్మహత్యలు, ఆత్మహత్యాయత్నాలు నిత్యకృత్యం అయినా కాంగ్రెస్ ప్రభు త్వానికి చీమకుట్టినట్లైనా లేకపోవడం దుర్మార్గమని పలువురు బుద్ధి జీవులు మండిపడుతున్నారు. కాంగ్రెస్ ప్రభుత్వం పార్టీ ఫిరాయింపులు మాని పట్టెడన్నం పెట్టే రైతుల సంక్షేమం పట్ల శ్రద్ధ చూపాలని, ప్రభుత్వం ఇప్పటికైనా స్పందించి రైతుల సమస్యలు పరిష్కరించాలని వివిధ పార్టీల నేతలు, రైతు సంఘాల నాయకులు డిమాండ్ చేస్తున్నారు.
ఖమ్మం జిల్లాలో మరో రైతు ఆత్మహత్యాయత్నం
గత పది రోజుల్లో ఖమ్మం జిల్లాలో నాలుగవ ఘటన
తాను సాగు చేస్తున్న భూమి పైకి మరో వ్యక్తి వచ్చి ఆక్రమిస్తున్నట్టు రైతు ఆరోపణ.
రఘునాథ్ పల్లి మండలం రజాబ్ అలీ నగర్ కు చెందిన రైతు ప్రసాద్ (32) ఆత్మహత్యాయత్నం.
సుమారు ఆరున్నర ఎకరాల భూమికి సంబంధించి… pic.twitter.com/c1Ja1NIAGy
— Telugu Scribe (@TeluguScribe) July 9, 2024