హైదరాబాద్ : మాజీ ప్రధానమంత్రి, దివంగత పీవీ నరసింహరావు(PV Narsimharao)కి దేశ అత్యున్నత పురస్కారం భారత రత్న(Bharat Ratna )దక్కడం చాలా సంతోషంగా ఉందని ఎన్నారై బీఆర్ఎస్ వ్యవస్థాపక అధ్యక్షుడు అనిల్ కూర్మాచలం తెలిపారు. ఇది తెలంగాణా ప్రజలకు దక్కిన గౌరవంగా భావిస్తున్నట్టు అనిల్ తెలిపారు.
బీఆర్ఎస్ అధినేత కేసీఆర్(KCR) నాయకత్వంలో నాడు పీవీకి భారతరత్న ఇవ్వాలని మొదటిసారిగా డిమాండ్ చెయ్యడమే కాకుండా అసెంబ్లీలో తీర్మానం చేసి కేంద్ర ప్రభుత్వానికి పంపిన ఘనత కేసీఆర్దేనని అనిల్ గుర్తు చేశారు. తమ డిమాండ్ను గౌరవించి భారతరత్న ప్రకటించినందుకు కేంద్ర ప్రభుత్వానికి ధన్యవాదాలు తెలిపారు.
స్వరాష్ట్రంలో కేసీఆర్ నాయకత్వంలో వివిధ కార్యక్రమాల ద్వారా పీవీకి ఘనమైన నివాళిని అర్పించింది బీఆర్ఎస్ పార్టీ అని చెప్పారు. వారి శతజయంతి వేడుకలని ప్రపంచవ్యాప్తంగా నిర్వహించడమే కాకుండా హైదరాబాద్లో పీవీ విగ్రహ ఏర్పాటు ఘనత కూడా కేసీఆర్కే దక్కుతుందన్నారు.