హైదరాబాద్ : అసెంబ్లీలో కాంగ్రెస్ ప్రభుత్వం ప్రవేశపెట్టిన రాష్ట్ర బడ్జెట్(Telangana budget) అన్ని వర్గాల ప్రజలను వంచనకు గురి చేసేలా ఉందని ఎఫ్డీసీ మాజీ చైర్మన్ అనిల్ కూర్మాచలం(Anil Kurmachalam) అన్నారు. ఈ సందర్భంగా ఆయన మాట్లాడు తూ..గత ప్రభుత్వంలో నాటి సీఎం కేసీఆర్ అన్ని వర్గాల సంక్షేమం కోసం ఎన్నో మంచి పథకాలు తీసుకొ చ్చారు. అన్ని వర్గాల ప్రజలను ఆర్థికంగా బలోపేతం చేసేలా బడ్జెట్ ప్రవేశ పెట్టారని గుర్తు చేశారు. కానీ, నేటి కాంగ్రెస్ ప్రభుత్వం వాటిని పక్కన బెట్టి కాంట్రాక్టు, కమీషన్ వచ్చే వాటికి ప్రాధాన్యతనిస్తున్నాయని విమర్శించారు.
ఆరు నెలలుగా ఎక్కడ కూడా నూతన విధానాలని రూపొందించలేదని మండిపడ్డారు. వారికి అలాంటి విజన్ ఉన్నట్టు కనపడడం లేదన్నారు. ఎంత సేపు రాజకీయ కోణంలోనే పాలన సాగుతుందని, ఇతర పార్టీల నాయకులని కాంగ్రెస్ పార్టీలో చేర్చుకొని దాని పై ఉన్న శ్రద్ధ రాష్త్ర అభివృద్ధి పై లేదని మండిపడ్డారు. ఇటీవల కేంద్ర బడ్జెట్లో సైతం ఒక్క రూపాయి తేలేని అసమర్ధ దద్దమ్మ ప్రభుత్వం రాష్ట్రంలో ఉందని ఘాటుగా విమర్శించారు. ప్రజలు అన్ని గమనిస్తున్నారని, రానున్న రోజుల్లో వీరి ప్రజా వ్యతిరేక విధానాలని ఎక్కడికక్కడ ఎండ గడతారని హెచ్చరించారు. రాబోయే రోజుల్లో కాంగ్రెస్ నాయకులని ఊర్లో తిరిగే పరిస్థితి లేకుండా చేస్తారన్నారు.