హైదరాబాద్, జూన్ 20 (నమస్తే తెలంగాణ): జాయింట్ సీట్ అలాట్మెంట్ అథారిటీ నిర్వహించిన మొదటి రౌండ్ కౌన్సెలింగ్లోనే తెలంగాణ సాంఘిక సంక్షేమ గురుకుల విద్యాసంస్థల సొసైటీ పరిధిలోని సీవోఈ విద్యార్థులు అద్భుతమైన ఫలితాలు సాధించారు. 100మంది ప్రతిష్ఠాత్మక ఐఐటీ, నీట్, ట్రిపుల్ఐటీ విద్యాసంస్థల్లో సీట్లను కైవసం చేసుకున్నట్టు సీవోఈ అధికారులు వెల్లడించారు. ఐఐటీల్లో 35, నీట్లలో 39, ట్రిపుల్ ఐటీ, జీఎఫ్టీఐలో 26 మంది మొత్తంగా 100మంది విద్యార్థులు ప్రవేశాలు పొందారు. ఇంకా 5 రౌండ్లు ఉన్నాయని, అందులో మరింత మంది ప్రవేశాలను పొందుతారని సీవోఈ అధికారులు వెల్లడించారు. విద్యార్థులు, అధ్యాపకులు, ప్రిన్సిపాళ్లు, ఆర్సీవోలను సీవోఈ అధికారులు ప్రత్యేకంగా అభినందించారు.