ఐనవోలు, జూన్ 18: నకిలీ విత్తనాల విక్రేతలపై చర్యలు తప్పవని హనుమకొండ జిల్లా ఐనవోలు ఏవో కవిత హెచ్చరించారు. ఐనవోలు మం డలంలోని ఒంటిమామిడిపల్లికి చెం దిన రైతు బండారి శ్రీను వెంకటాపు రం శివారులో 1.20 ఎకరాల భూమి ని కౌలు తీసుకొని ఓ కంపెనీకి చెందిన మక్కజొన్న విత్తనాలను మండల కేంద్రంలోని ఓ డీలర్ వద్ద కొనుగోలు చేశాడు. వాటిని విత్తగా 90 శాతం మొలకెత్తలేదు. దీంతో తనకు రూ. 25 వేల వరకు నష్టం వాటిల్లిందని సోషల్ మీడియాలో వీడియో పోస్టు చేయగా వైరల్ అయింది. ఇదే విషయాన్ని ఈ నెల 16న ‘మొలకెత్తని మక్కజొన్న విత్తనాలు’ శీర్షికన నమస్తే తెలంగాణలో ప్రచురితమైన కథనానికి ఏవో కవిత స్పందించారు. మంగళవారం ఆమె బండారి శ్రీను పొలాన్ని పరిశీలించారు. రిపోర్టు ఆధారంగా బాధ్యులపై చర్యలు తీసుకుంటామని తెలిపారు.