హైదరాబాద్, జూన్ 20 (నమస్తే తెలంగాణ): రాష్ట్రంలోని సాంకేతిక కళాశాలల్లో, ఇంజినీరింగ్, ఫార్మసీ, ఎంబీఏ, ఎంసీఏ కళాశాలల్లో వేతనాలు వేసి తిరిగి తీసుకుంటున్నారని, అలాంటి వాటిపై చర్యలు తీసుకోవాలని టీఎస్టీసీఈఏ అధ్యక్షుడు అయినేని సంతోష్కుమార్ ఉన్నత విద్యాశాఖకు విజ్ఞప్తి చేశారు. కొన్ని ప్రైవేట్ కాలేజీల్లో లక్షల కొద్ది రూపాయలు ఖాతాలో జమ చేసి తిరిగి తీసుకుంటున్నారని, కొన్ని అసలు జీతాలే సక్రమంగా ఇవ్వటం లేదని వాపోయారు. ఆ కాలేజీలకు జేఎన్టీయూహెచ్ఏ అఫిలియేషన్ ఎలా ఇస్తుందని ప్రశ్నించారు. వీటిపై చర్యలు తీసుకోవాలని ఉన్నత విద్యాశాఖను కోరారు.