హైదరాబాద్, జూన్ 1(నమస్తే తెలంగాణ): ఐక్యరాజ్యసమితి పర్యావరణ విభాగంలో భాగమైన కన్వెన్షన్ ఆన్ బయోలాజికల్ డైవర్సిటీ సబ్సిడియరీ సంస్థకు తెలంగాణ వ్యక్తి చైర్మన్గా ఎన్నికయ్యారు. జనగామ జిల్లా ఎర్రగొల్లపహాడ్కు చెందిన అచల్రెడ్డి ఈ సంస్థకు చైర్మన్గా ఏకగ్రీవంగా ఎన్నికయ్యారు. ఈ పదవిలో ఆయన డిసెంబర్ వరకు కొనసాగనున్నారు. గత నెల 21 నుంచి 29వ తేదీ వరకు కెన్యా రాజధాని నైరోబీలోని ప్రధాన కార్యాలయంలో ఆయన సారథ్యంలో ఓ సమావేశం నిర్వహించారు. ప్రపంచవ్యాప్తంగా జీవవైవిధ్యానికి సంబంధించి ఈ సంస్థ కీలకంగా వ్యవహరిస్తున్నది.