రామచంద్రాపురం, జూలై 23: కుటుంబ కారణాలతో మనస్తాపం చెందిన ఓ సాఫ్ట్వేర్ ఉద్యోగి ఆత్మహత్య చేసుకున్నాడు. ఈ ఘటన మంగళవారం సంగారెడ్డి జిల్లా కొల్లూర్ పోలీస్స్టేషన్ పరిధిలోని విద్యుత్నగర్లో చోటుచేసుకున్నది. సంగారెడ్డి జిల్లా జోగిపేటకు చెంది న నర్సింగ్రావు కుటుంబంతో కలిసి బీహెచ్ఈఎల్లోని విద్యుత్నగర్లో ఉంటున్నారు. ఆయన కుమారుడు సాయికిరణ్ (28) విప్రో లో సాఫ్ట్వేర్ ఉద్యోగం చేస్తున్నాడు. కుటుంబ కలహాలతో తీవ్రంగా మనస్తాపం చెంది ఇంట్లో ఎవరూ లేని సమయంలో సోమవారం రాత్రి ఫ్యాన్కు ఉరేసుకున్నాడు. మంగళవారం మధ్యాహ్నం కుటుంబసభ్యులు ఇంటికి వచ్చి చూసే సరికి సూసైడ్ నోట్ రాసి, విగత జీవిగా వేలాడుతూ కన్పించాడు. కొల్లూర్ పోలీసులు ఘటనా స్థలానికి చేరుకొని పరిశీలించారు. మృతుడి తల్లి మహేశ్వరి ఫిర్యాదు మేరకు కేసు దర్యాప్తు చేస్తున్నట్టు ఇన్స్పెక్టర్ రవీందర్ తెలిపారు.