మంచిర్యాల ఏసీసీ, జూన్ 16: ఓ గర్భిణికి వైద్యులు శస్త్రచికిత్స చేసి పురుడుపోసిన అనంతరం నడుము నుంచి కాళ్ల వరకు స్పర్శను కోల్పోయింది. ఆపరేషన్ సమయంలో డాక్టర్ల నిర్లక్ష్యం వల్లనే బాలింత స్పర్శ కోల్పోయిందని కుటుంబ సభ్యులు ఆరోపిస్తున్నారు. ఈ ఘటన ఆదివారం మంచిర్యాల జిల్లా కేంద్రంలోని మాతా, శిశు సంరక్షణ ఆరోగ్య కేంద్రంలో చోటుచేసుకుంది. మంచిర్యాల జిల్లా పాత బెల్లంపల్లికి చెందిన గర్భిణి ఆవునూరి గంగ ఈ నెల 9న (ఆదివారం) డెలివరీ కోసం మాతా, శిశు సంరక్షణ కేంద్రానికి వచ్చింది. ఈ నెల 10న (సోమవారం ఉదయం) వైద్యులు ఆపరేషన్ చేయగా బాబుకు జన్మనిచ్చింది.
వారం రోజులు గడిచిన తర్వాత ఆమె నడుము నుంచి కాళ్ల భాగం వరకు స్పర్శను కోల్పోయింది. భయాందోళనకు గురైన కుటుంబ సభ్యులు వైద్యులకు తెలుపగా సానింగ్ చేసుకుని రమ్మన్నారు. ఆ సానింగ్లో నడుము, కాళ్లకు సంబంధించిన నరం కట్ అయినట్టు వెల్లడించారు. ఆపరేషన్ సమయంలో వైద్యుల నిర్లక్ష్యం వల్లనే ఇలా జరిగిందని కుటుంబ సభ్యులు దవాఖాన ఎదుట ఆందోళన చేపట్టారు. విషయం తెలుసుకున్న పోలీసులు అకడికి చేరుకుని వైద్యులతో మాట్లాడించారు. అనంతరం మెరుగైన చికిత్స నిమిత్తం బాలింతను ప్రత్యేక అంబులెన్సులో హైదరాబాద్ గాంధీ దవాఖానకు తరలించారు.