తెలంగాణచౌక్, జూన్ 16: కరీంనగర్ జిల్లా కేంద్రంలోని ఆర్టీసీ బస్టాండ్లో ఆదివారం ఓ వలస కూలీ ప్రసవించింది. ఆర్టీసీ సిబ్బంది సహాయం తో పండంటి బిడ్డకు జన్మనిచ్చింది. సుల్తానాబాద్ మండలం కాట్నపల్లి ఇటుక బట్టీలో ఒడిశా రాష్ర్టానికి చెందిన కుమారి-దులా దంపతులు పనిచేస్తున్నారు. కుమారి గర్భవతి కావడం, నెలలు నిండటంతో డెలివరీ కోసం సొంత రాష్టానికి వెళ్లేందుకు అదివారం జిల్లా కేంద్రంలోని ఆర్టీసీ బస్తాండ్కు వచ్చారు.
బస్సు కోసం ఎదురుచూస్తుండగా.. ఇంతలో కుమారికి నొప్పు లు మొదలయ్యాయి. సిబ్బంది వెంట నే ఏటీఎం రజనీకృష్ట, స్టేషన్ మేనేజర్ అంజయ్యకు సమాచారం ఇచ్చారు. నొప్పులు మరింత ఎక్కువ కావడంతో బస్టాండ్లోని స్వీపింగ్ సూపర్వైజర్ సైదమ్మ, సిబ్బంది శ్రవంతి, లావణ్య, భవాని, రేణుక కలిసి పురుడు పోయగా.. పండంటి పాపకు జన్మనిచ్చింది. తల్లీబిడ్డ క్షేమం గా ఉన్నారు. ఇద్దరినీ 108 వాహనంలో జిల్లా ప్రభుత్వ దవాఖానకు తరలించారు. ఎవరూ తోడులేని వలస కార్మికురాలికి పురుడు పోసిన ఆర్టీసీ సిబ్బందిని పలువురు అభినందించారు.