నాగర్కర్నూల్, జూలై 16 : గొంతులో మాంసం ముక్క ఇరుక్కొని ఓ వ్యక్తి మృతి చెందిన ఘటన నాగర్కర్నూల్ జిల్లాలో చోటుచేసుకున్నది. స్థానికుల కథనం మేరకు.. తెలకపల్లి మండల కేంద్రానికి చెందిన రాజు (38) దినసరి కూలీ. మంగళవారం మధ్యాహ్నం ఇంట్లో మాంసంతో భోజనం చేస్తుండగా ప్రమాదవశాత్తు గొంతులో ముక్క ఇరుక్కున్నది.
దీంతో ఊపిరి ఆడకపోవడంతో తీవ్ర అవస్థపడ్డాడు. కు టుంబ సభ్యులు నా గర్కర్నూల్ జనరల్ దవాఖానకు తరలించగా.. పరీక్షించిన వైద్యులు అప్పటికే మృతి చెందినట్టు నిర్ధారించారు. అతడికి భార్య, ఇద్దరు పిల్లలు ఉన్నారు.